ଓଭାଲ: ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟରେ ଭାରତର ଓପନର ଲୋକେଶ ରାହୁଲଙ୍କୁ ଆଇସିସି ତରଫରୁ ଏକ ଶକ୍ତ ଝଟକା ଲାଗିଛି । ମ୍ୟାଚର ପଞ୍ଚମ ତଥା ଶେଷ ଦିନ ଚାଲୁ ରହିଥିବା ବେଳେ ରାହୁଲଙ୍କୁ ଏହି ଝଟକା ଦେଇଛି ଆଇସିସି । ମ୍ୟାଚର ୧୫ ପ୍ରତିଶତ ଫି କାଟ ହେବା ପାଇଁ ଆଇସିସି ନିଷ୍ପତ୍ତି ଶୁଣାଇଛି । ଚତୁର୍ଥ ମ୍ୟାଚର ଦ୍ୱିତୀୟ ଇନିଂସରେ ରାହୁଲଙ୍କ ୱିକେଟକୁ ନେଇ ବିବାଦ ଦେଖାଦେଇଥିଲା । ଯାହାକୁ ନେଇ ଅସନ୍ତୋଷ ବ୍ୟକ୍ତ କରିଥିଲେ ନିଜେ ରାହୁଲ । ଯାହା ତାଙ୍କୁ ଏବେ ମହଙ୍ଗା ପଡିଛି । ମ୍ୟାଚ ଫି’ ର ୧୫ ପ୍ରତିଶତ କାଟିବା ପାଇଁ ଆଇସିସି ତରଫରୁ ନିଷ୍ପତ୍ତି ନିଆଯାଇଛି ।
ମ୍ୟାଚର ୩୪ତମ ଓଭରରେ ରାହୁଲଙ୍କୁ କ୍ୟାଚ ଆଉଟ ଦେବା ପରେ ଅମ୍ପାୟାରଙ୍କ ନିଷ୍ପତ୍ତିକୁ ନେଇ ରାହୁଳ ଅସନ୍ତୋଷ ବ୍ୟକ୍ତ କରିଥିଲେ । ତେବେ ଏହାଦ୍ୱାରା ଆଇସିସିର ୨.୮ ଉଲ୍ଲଙ୍ଘନ ହୋଇଥିବା ଅଭିଯୋଗରେ ତାଙ୍କର ୧୫ ପ୍ରତିାତ ମ୍ୟାଚ ଫି କଟାଯାଇଛି । ଏଥିସହିତ ଅନୁଶାସନାତ୍ମକ ରେକର୍ଡରେ ତାଭ୍କ ନାମରେ ଆଉ ଏକ ଡିମେରିଟ ଅଙ୍କ ଯୋଡି ହୋଇଛି । ରାହୁଲ ଏହି ଜରିମାନାକୁ ସ୍ୱିକାର କରି ନେଇଥିବାରୁ ଏନେଇ କୌଣସି ଔପଚାରିକ ଶୁଣାଣି ହେବ ନାହିଁ । ତେବେ ଭତ ୨ ବର୍ଷ ମଧ୍ୟରେ ଏହା ହେଉଛି ରାହୁଲଙ୍କର ପ୍ରଥମ ଭୁଲ ।
