ଲଣ୍ଡନ୍: ୱିମ୍ବଲଡନ୍ ଟେନିସ୍ ପ୍ରତିଯୋଗିତାର ପୁରୁଷ ଏକକ ଫାଇନାଲରେ ଉପବିଜେତା ହୋଇଥିବା ସର୍ବିଆ ତାରକା ନୋଭାକ୍ ଜୋକୋଭିକଙ୍କୁ ମୋଟା ଅଙ୍କର ଜରିମାନାରେ ଦଣ୍ଡିତ କରାଯାଇଛି। କାର୍ଲୋସ୍ ଆଲକାରାଜଙ୍କ ବିପକ୍ଷ ଏହି ଫାଇନାଲରେ ଜୋକୋଭିକ୍ ଗୋଟିଏ ମ୍ୟାଚ୍ ପଏଣ୍ଟ ହାତଛଡ଼ା କରିବା ପରେ ରାକେଟରେ ନେଟ୍ ବାରକୁ ଜୋରରେ ପ୍ରହାର କରିଥିଲେ, ଫଳରେ ତାଙ୍କ ରାକେଟ୍ ଭାଙ୍ଗିଯାଇଥିଲା। ଏହାପରେ ରେଫରି ତାଙ୍କୁ ଚେତାବନୀ ଦେଇଥିଲେ ବି ଆୟୋଜକଙ୍କ ପକ୍ଷରୁ ତାଙ୍କ ଉପରେ ୮ହଜାର ଡଲାର ଜରିମାନା ଲଗାଯାଇଛି। କୌଣସି ଟେନିସ୍ ଖେଳାଳିଙ୍କ ଉପରେ ଏପରି ଜରିମାନା ଏକ ରେକର୍ଡ ବୋଲି କୁହାଯାଉଛି ।
ରାକେଟ୍ ଭାଙ୍ଗିବା ଘଟଣାରେ ଜୋକୋଭିକଙ୍କୁ ଜରିମାନା
