ଚେସ୍ ଖେଳରେ ଉତ୍ତମ ପ୍ରଦର୍ଶନ କରି ବିଶ୍ୱ ସ୍ତରରେ ଭାରତ ପାଇଁ ଗୌରବ ଆଣିଲେ ପ୍ରଜ୍ଞାନ ନନ୍ଦ

ଭାରତ : ଚେସ୍ ଖେଳରେ ଉତ୍ତମ ପ୍ରଦର୍ଶନ କରି ବିଶ୍ୱ ସ୍ତରରେ ଭାରତ ପାଇଁ ଗୌରବ ଆଣିଲେ ପ୍ରଜ୍ଞାନ ନନ୍ଦ । ଏନେଇ ତାଙ୍କୁ ଭବ୍ୟ ସମ୍ମାନ ଦିଆଯାଇଛି । ଚେସ୍ ଗ୍ରାଣ୍ଡମାଷ୍ଟର ପ୍ରଜ୍ଞାନ ନନ୍ଦ ଓ ତାଙ୍କ ଅଭିଭାବକଙ୍କୁ ସମ୍ମାନିତ କରିଛନ୍ତି କେନ୍ଦ୍ରମନ୍ତ୍ରୀ ଅନୁରାଗ ଠାକୁର । ଅନୁରାଗ ଠାକୁର ପ୍ରଜ୍ଞାନା ନନ୍ଦଙ୍କୁ ତାଙ୍କ ଖେଳ ପାଇଁ ଶୁଭକାମନା ଜଣାଇଛନ୍ତି । ଆଉ କହିଛନ୍ତି ପ୍ରଜ୍ଞାନ ନନ୍ଦ ଭାରତ ପାଇଁ ଗୌରବ ଆଣିଦେଇଛନ୍ତି । ମାତ୍ର ୧୬ ବର୍ଷ ବୟସରୁ ଇଣ୍ଟରନାସନାଲ ଗ୍ରାଣ୍ଡମାଷ୍ଟର ହେବା ଆଗରୁ କେହି କରି ପାରି ନଥିବା ବେଳେ ଏବେ ୧୮ ବର୍ଷ ବୟସରେ ବିଶ୍ୱକପ୍ ର ଫାଇନାଲରେ ପହଞ୍ଚିବା ଏବଂ ତାଙ୍କ ଖେଳର ଚମତକାର ପ୍ରଦର୍ଶନ କୁ ଖୁବ୍ ପ୍ରସଂଶା କରିଛନ୍ତି କେନ୍ଦ୍ରମନ୍ତ୍ରୀ ଅନୁରାଗ ଠାକୁର । ଆଉ କହିଛନ୍ତି ଏହି ଖେଳାଳୀଙ୍କୁ ଦେଖି ଅନେକଙ୍କ ମଧ୍ୟରେ ପ୍ରେରଣା ସୃଷ୍ଟି ହୋଇଥାଏ । ଯାହା ଦେଶ ପାଇଁ ଶୁଭଙ୍କର ।
ପ୍ରଜ୍ଞାନ ନନ୍ଦଙ୍କ ଏପରି ସଫଳତା ପାଇଁ ସେ ତାଙ୍କ ଅଭିଭାବକଙ୍କୁ ମଧ୍ୟ ଶ୍ରେୟ ଦେଇଛନ୍ତି । ପିଲାଙ୍କ ସଫଳତାରେ ମାତା ପିତାଙ୍କ ମହତ୍ୱ ବହୁତ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ । ତେଣୁ ସେ ସମସ୍ତ ଖେଳାଳୀଙ୍କୁ ସହୃଦୟର ସହ ଖେଳିବାକୁ ପ୍ରୋତ୍ସାହନ ଦେଇଛନ୍ତି । ଲଗାତର ପ୍ରୟାସ ଏବଂ ପରିଶ୍ରମ ଦ୍ୱାରା ଅସାଧ୍ୟ ବି ସାଧନ ହୋଇଥିବା କେନ୍ଦ୍ରମନ୍ତ୍ରୀ ଅନୁରାଗ ଠାକୁର କହିଛନ୍ତି ।