ପ୍ୟାରିସ୍ ଅଲିମ୍ପିକ୍ସରେ ଭାରତକୁ ଆଉ ଏକ ବ୍ରୋଞ୍ଜ ପଦକ । ୫୭ କେଜି ରେସଲିଂରେ ବ୍ରୋଞ୍ଜ ଜିତିଲେ ଅମନ ଶେରାୱତ । ପ୍ୟାରିସରେ ପ୍ରଥମ ଭାରତୀୟ କୁସ୍ତିଯୋଦ୍ଧା ଭାବେ ପଦକ ଜିତିଲେ ଅମନ । ପ୍ୟାରିସ ଅଲିମ୍ପିକ୍ସରେ ଭାରତର ପଦକ ସଂଖ୍ୟା ୬କୁ ବୃଦ୍ଧି ।
ପ୍ୟାରିସ ଅଲିମ୍ପିକ୍ସ ୨୦୨୪ ରେ ଭାରତ ୬ ଟି ପଦକ ଜିତିଛି, ସେଥିମଧ୍ୟରୁ ପାଞ୍ଚଟି ବ୍ରୋଞ୍ଜ ଏବଂ ଗୋଟିଏ ରୌପ୍ୟ । ସର୍ବପ୍ରଥମେ ମନୁ ଭାକର ୧୦ ମିଟର ଏୟାର ପିସ୍ତଲରେ ବ୍ରୋଞ୍ଜ ପାଇଥିଲେ । ତା’ପରେ ମଧ୍ୟ ମନୁ ଭାକର ମିଶ୍ରିତ ଦଳ ଇଭେଣ୍ଟରେ ଦ୍ୱିତୀୟ ବ୍ରୋଞ୍ଜ ପାଇଥିଲେ। ସରବଜୋତ ସିଂ ମଧ୍ୟ ତାଙ୍କ ସହ ଦଳରେ ଥିଲେ। ପୁରୁଷ ୫୦ ମିଟର ରାଇଫଲ ତିନୋଟି ପୋଜିସନ୍ ସୁଟିଂରେ ସ୍ୱପ୍ନିଲ୍ କୁସାଲେ ତୃତୀୟ ବ୍ରୋଞ୍ଜ ପଦକ ଜିତିଛନ୍ତି । ତା’ପରେ ହକି ଦଳ ବ୍ରୋଞ୍ଜ ପଦକ ଏବଂ ନୀରଜ ଚୋପ୍ରା ରୌ ପ୍ୟ ପଦକ ଜିତିଥିଲେ। ବର୍ତ୍ତମାନ ଅମନ ପ୍ୟାରିସରେ ପୁଣି ତ୍ରିରଙ୍ଗା ଲହରେଇଛନ୍ତି ।
