ଏଜବାଷ୍ଟନ ଟେଷ୍ଟ ମ୍ୟାଚରେ ଟିମ୍ ଇଣ୍ଡିଆର ବିଜୟରେ ଆକାଶ ଦୀପ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। କିନ୍ତୁ ସେ ଲର୍ଡସ ଟେଷ୍ଟ ମ୍ୟାଚରେ ତାଙ୍କ ପ୍ରଦର୍ଶନକୁ ଦୋହରାଇ ପାରିନଥିଲେ ଏବଂ କେବଳ ଗୋଟିଏ ୱିକେଟ ନେଇଥିଲେ। ଏବେ ମାଞ୍ଚେଷ୍ଟର ଟେଷ୍ଟ ମ୍ୟାଚ ପୂର୍ବରୁ ତାଙ୍କ ବିଷୟରେ ଏକ ବଡ଼ ଖବର ଆସୁଛି। ଆଘାତ ଯୋଗୁଁ ଆକାଶ ଦୀପ ଚତୁର୍ଥ ଟେଷ୍ଟ ମ୍ୟାଚରୁ ବାହାରେ ରହିପାରନ୍ତି। ତାଙ୍କ ସ୍ଥାନରେ ଯୁବ ଦ୍ରୁତ ବୋଲର ଅଂଶୁଲ କାମ୍ବୋଜଙ୍କୁ ଡେବ୍ୟୁ କରିବାର ସୁଯୋଗ ମିଳିପାରେ। ଯଦି ଆକାଶ ଦୀପ ମାଞ୍ଚେଷ୍ଟରରେ ଖେଳନ୍ତି ନାହିଁ, ତେବେ ମହମ୍ମଦ ସିରାଜ ଜସପ୍ରିତ ବୁମରାହଙ୍କ ସହିତ ବୋଲିଂ ଆରମ୍ଭ କରିପାରିବେ।
ଟିମ୍ ଇଣ୍ଡିଆର ଦ୍ରୁତ ବୋଲର ଆକାଶ ଦୀପ ପିଠି ଏବଂ କଟି ଆଘାତରେ ପୀଡିତ। ଏହି କାରଣରୁ ମାଞ୍ଚେଷ୍ଟର ଟେଷ୍ଟ ମ୍ୟାଚ୍ରେ ତାଙ୍କର ଖେଳିବା ସନ୍ଦେହଜନକ ମନେ ହେଉଛି। ଲର୍ଡସ୍ ଟେଷ୍ଟ ମ୍ୟାଚ୍ର ଚତୁର୍ଥ ଦିନରେ ଆକାଶ ଦୀପଙ୍କ ପିଠିରେ ଆଘାତ ଲାଗିଥିଲା। ସେ ପଡ଼ିଆ ବାହାରକୁ ଚାଲିଯାଇଥିଲେ ଏବଂ ପରେ ତାଙ୍କ ଓଭର ପୂରଣ କରିବାକୁ ସଂଘର୍ଷ କରୁଥିଲେ।
ରିପୋର୍ଟ ଅନୁସାରେ, ଦଳ ମାଞ୍ଚେଷ୍ଟରରେ ପହଞ୍ଚିବା ପରେ ଆକାଶ ଦୀପଙ୍କ ଯନ୍ତ୍ରଣା ବଢ଼ିଯାଇଥିଲା। ଏପରି ପରିସ୍ଥିତିରେ ଜସପ୍ରୀତ ବୁମରାହ ଚତୁର୍ଥ ଟେଷ୍ଟ ମ୍ୟାଚ୍ ଖେଳିପାରିବେ। ଏହା ବ୍ୟତୀତ ଯୁବ ଦ୍ରୁତ ବୋଲର ଅଂଶୁଲ କାମ୍ବୋଜଙ୍କୁ ମଧ୍ୟ ଏହି ଟେଷ୍ଟ ମ୍ୟାଚ୍ ରେ ଡେବ୍ୟୁ କରିବାର ସୁଯୋଗ ମିଳିପାରେ। ରିପୋର୍ଟ ଅନୁଯାୟୀ, ଯଦି ବୁମରାହ ମାଞ୍ଚେଷ୍ଟରରେ ଖେଳନ୍ତି, ତେବେ ପଞ୍ଚମ ଟେଷ୍ଟରେ ତାଙ୍କ ସ୍ଥାନରେ ଆକାଶ ଦୀପଙ୍କୁ ସାମିଲ କରାଯାଇପାରିବ।
