ମଉଳିଲା ନେଦରଲାଣ୍ଡର ସେମିଫାଇନାଲ୍ ଆଶା ୭ ୱିକେଟ୍ରେ ହରାଇଲା । ଆଫଗାନିସ୍ତାନ ଶୁକ୍ରବାର ଇକାନା ଷ୍ଟାଡିୟମରେ ବିଶ୍ୱକପର ୩୪ ତମ ମୁକାବିଲାରେ ଶୁକ୍ରବାର ମୁହାଁମୁହିଁ ହୋଇଥିଲେ । ନେଦରଲାଣ୍ଡ ଓ ଅ।ଫଗାନିସ୍ତାନ ଟସ୍ ଜିତି ନେଦରଲାଣ୍ଡ ପ୍ରଥମେ ବ୍ୟାଟିଂ କରି ଆଫଗାନିସ୍ତାନକୁ ୧୮୦ ରନ୍ ଟାର୍ଗେଟ୍ ଦେଇଥିଲା ।ଜବାବର ଆଫଗାନିସ୍ତାନ ୩୧.୩ ଓଭରେ ୭ ୱିକେଟ ହରାଇ ୧୮୧ ରନ୍ କରି ଟାର୍ଗେଟ୍ ହାସଲ କରିନେଇଛି । ଏହି ବିଜୟ ସହ ଆଫଗାନିସ୍ତାନ ୮ ପଂଏଟ ପାଇଛି । ଫଳରେ ଦଳ ନିଜକୁ ସେମି ଫାଇନାଲ୍ ଦୌଡ଼ରେ ସାମିଲ କରିଛି । ୧୮୦ ରନ୍ର ଟାର୍ଗେଟ୍ ପଡ଼ିଆକୁ ଓହ୍ଲାଇଥିବା ଆଫଗାନିସ୍ତାନ ଭଲ ବ୍ୟାଟିଂ କରିଥିଲା । ୫.୩ ଓଭରରେ ଦଳ ରେହମନୁଲ୍ଲା ଗୁରବାଜ(୧୧ ବଲ୍ ୧୦ ରନ୍)ଙ୍କ ୱିକେଟ୍ ହରାଇଥିଲା । ଏହାପରେ ୧୦.୧ ଓଭରରେ ଇବ୍ରାହିମ ଜଦ୍ରାନ(୩୪ ବଲ ୨୦ ରନ୍), ୨୨.୪ ଓଭରରେ ରହମତ ଶାହ(୫୪ ବଲ ୫୨ ରନ୍) ଅ।ଉଟ୍ ହୋଇଥିଲେ ଏହାପରେ ହସମତୁଲ୍ଲାହ ଶାହିଦୀ(୬୪ ବଲ ୫୬ ରନ୍) ଓ ଅଜମତୁଲ୍ଲାହ ଓମାର୍ଜାଇ(୨୮ ବଲ୍ ୩୧ ରନ୍) ଦୁହେଁ ମିଶି ଶେଷ ପର୍ଯ୍ୟନ୍ତ ବ୍ୟାଟିଂ କରି ଟିମକୁ ଜିତାଇଥିଲେ ।
ବ୍ୟାଟିଂ ଭଳି ବୋଲିଂରେ ବି ଫେଲ୍ ମାରିଥିଲା ନେଦରଲାଣ୍ଡ ଦଳ । ଟସ ଜିତି ପ୍ରଥମେ ବ୍ୟାଟିଂ କରୁଥିବା ଡଚ୍ ଟିମ ପ୍ରଥମ ଓଭର୍ରେ ହିଁ ସେଲେ ବାରେସିଙ୍କୁ ହରାଇଥିଲା । ଏହାପରେ ମାକ୍ସ ଓ ଡାଉଦ ଓ କୋଲିନ ଅ ।କରେମାନ ଦମଦାର ବ୍ୟାଟିଂ କରିଥିଲେ । ଦଳୀୟ ସ୍କୋରକୁ ଉଭୟ ୭୩ରେ ମଧ୍ୟ ପହଞ୍ଚାଇ ଦେଇଥିଲେ କିନ୍ତୁ ୪୦ ବଲରେ ୪୨ ରନ କରିଥିବା ଡାଉଦ ରନ ଅ ।ଉଟ ହୋଇଯାଇଥିଲେ । ଏହାପରେ ଅ।କେରମାନ ମଧ୍ୟ ୨୯ ରନ କରି ସମଦଶା ଭୋଗିଥିଲେ ପରବର୍ତ୍ତୀ ବଲରେ ଇନଫର୍ମ ସ୍କଟ ଏଡାର୍ଡ(୦) ପ୍ରଥମ ବଲରେ ହିଁ ରନ ଅ।ଉଟ ହୋଇଥିଲେ । ଏହାପରେ ଡଚ୍ ଟିମର ବିପର୍ଯ୍ୟୟ ଅ ।ରମ୍ଭ ହୋଇଥିଲା ।ବାସ ଡେ ଲିଡେ(୩), ସାକିବ ଜୁଲଫିକର(୩), ଲୋଗାନ ଭାନ ବୀକ(୨) ରନ କରି ପ୍ୟାଭିଲିୟନ ଫେରିଥିଲେ ।
ଗୋଟିଏ ପଟେ ୱିକେଟ ଯାଉଥିବା ବେଳେ ସାୟବ୍ରାଣ୍ଡ ଲଢ଼େଇ କରିଥିଲେ । ଏଥିସହ ନିଜର ଅର୍ଦ୍ଧଶତକ ମଧ୍ୟ ହାସଲ କରିଥିଲେ । ସେ କ୍ରିଜ୍ରେ ସେଟ ହୋଇ ସାରିଥିବାରୁ ତାଙ୍କ ଠାରୁ ଦଳ ବଡ଼ ଇନିଂସ ଆଶା କରୁଥିଲା । କିନ୍ତୁ ରୋଲଫ ଭାନ ଡେର ମେରଙ୍କେ ସହ ତାଳମେଳ ଅଭାବରୁ ୫୮ ରନ କରି ସାୟବ୍ରାଣ୍ଡ ରନ ଅ ।ଉଟ ହୋଇଯାଇଥିଲେ । ୧୫୨ ରନରେ ଡଚ୍ ଟିମ ୮ମ ୱିକେଟ ହରାଇଥିଲା । ଏହାପରେ ମେରୱେ ୧୧ ଓ ଆର୍ଯ୍ୟନ ଦତ୍ତ ଅପରାଜିତ ୧୦ ରନ କରିବାରୁ ନେଦରଲ୍ୟାଣ୍ଡ୍ସ ୧୭୯ ଯାଏ ଯାଇଥିଲା । ଶେଷରେ ମହମ୍ମନ ନବି ୪ ରନ କରିଥିବା ପଲ ଭାନ ମିକେରନଙ୍କୁ ଆଉଟ କରି ଡଚ୍ ଟିମର ଇନିଂସରେ ପୂର୍ଣ୍ଣଚ୍ଛେଦ ଟାଣିଥିଲେ । ଅ।ଫଗାନ ପକ୍ଷରୁ ନବୀ ସର୍ବାଧିକ ୩ଟି ୱିକେଟ ନେଇଥିବା ବେଳେ ନୁର ଅହମଦ ୨ଟି ଓ ମୁଜିବ ଉର ରହମାନ ଗୋଟିଏ ସଫଳତା ପାଇଛନ୍ତି ।
