(ଓଡିଶା ସ୍ପୋର୍ଟସ): ପ୍ରତିବର୍ଷ ଫ୍ରାନ୍ସର ଫୁଟବଲ୍ ପତ୍ରିକା ଦ୍ୱାରା ଦିଆଯାଇଥିବା ସମ୍ମାନଜନକ ବଲୋନ୍ ଡି’ଅର୍ ଟାଇଟଲ୍ ଚଳିତ ବର୍ଷ କୌଣସି ଖେଳାଳିଙ୍କୁ ଦିଆଯିବ ନାହିଁ । କରୋନା ମହାମାରୀ ଯୋଗୁଁ ଫୁଟବଲ ଟୁର୍ନାମେଣ୍ଟ ବନ୍ଦ ଥିବାରୁ ଏହି ନିଷ୍ପତ୍ତି ନିଆଯାଇଛି । ୧୯୫୬ ମସିହାରେ ପୁରସ୍କାର ପ୍ରତିଷ୍ଠା ହେବା ପରେ ଏହା ପ୍ରଥମ ଥର ହେବ ଯେତେବେଳେ କୌଣସି ଖେଳାଳିଙ୍କୁ ଏହି ଟାଇଟଲ୍ ଦିଆଯିବ ନାହିଁ ।
ଫୁଟବଲର ଏହି ସମ୍ମାନଜନକ ବଲୋନ୍ ଡି’ଅର୍ ଟାଇଟଲ୍ ପ୍ରଥମେ ୧୯୫୬ ମସିହାରେ ଷ୍ଟାନଲି ମାଥ୍ୟୁସ ଏହାକୁ ଜିତିଥିଲା। ଲିଓନେଲ୍ ମେସି ଏହାକୁ ୬ ଥର ରେକର୍ଡ ଜିତିଥିବାବେଳେ ତାଙ୍କ ପ୍ରତିଦ୍ୱନ୍ଦ୍ୱୀ କ୍ରିଷ୍ଟିଆନୋ ରୋନାଲଡୋ ମଧ୍ୟ ପାଞ୍ଚ ଥର ଟାଇଟଲ୍ ହାସଲ କରିଛନ୍ତି ।
ଫ୍ରାନ୍ସର ଫୁଟବଲ୍ ପତ୍ରିକା ବଲୋନ୍ ଡି’ଅର୍ ଦ୍ୱାରା ପ୍ରତିବର୍ଷ ଏହି ପୁରସ୍କାର ପ୍ରଦାନ କରାଯାଇଥାଏ । ଏହି ପତ୍ରିକା ମଧ୍ୟ ୨୦୧୮ରେ ମହିଳା ପୁରସ୍କାର ପ୍ରଦାନ ଆରମ୍ଭ କରିଥିଲା, କିନ୍ତୁ ଏଥର ତାହା ମଧ୍ୟ ଦିଆଯିବ ନାହିଁ ।
ଫ୍ରାନ୍ସ ଫୁଟବଲ ସମ୍ପାଦକ ପାସ୍କାଲ ଫେରେ କହିଛନ୍ତି, ‘ଏହା ଏତେ ଅଦ୍ଭୁତ ବର୍ଷ ଯେ ଆମେ ଏହାକୁ ସାଧାରଣ ବର୍ଷ ବୋଲି ବିବେଚନା କରିପାରିବୁ ନାହିଁ । ଅତିକମରେ ଦୁଇ ମାସ ପୂର୍ବରୁ ଆମେ ଏହା ବିଷୟରେ କହିବା ଆରମ୍ଭ କରିଥିଲୁ । ସେ କହିଛନ୍ତି, ‘ଆମେ ଏହି ନିଷ୍ପତ୍ତିକୁ ହାଲୁକା ଭାବେ ଗ୍ରହଣ କରିନାହୁଁ କିନ୍ତୁ ଏହାକୁ ଗ୍ରହଣ କରିବାକୁ ପଡ଼ିବ ।
