ନୂଆଦିଲ୍ଲୀ(ଓଡିଶା ସ୍ପୋର୍ଟର୍ସ): ବିଶ୍ୱ ଟେଷ୍ଟ ଚମ୍ପିୟନସିପରେ ଭାରତର ପରାଜୟ ପରେ ପ୍ରଶଂସକ ମାନଙ୍କ ମଧ୍ୟରେ ଅସନ୍ତୋଷ ଜୋର ଧରିଛି । ଅନେକ ଲୋକ କେହଲୀଙ୍କ ଅଧିନାୟକତ୍ୱକୁ ନେଇ ମଧ୍ୟ ପ୍ରଶ୍ନ ଉଠାଇଛନ୍ତି । ଏଥିସହ ଧୋନୀ ଏବଂ ବିରାଟ କୋହଲୀଙ୍କ ମଧ୍ୟରୁ କିଏ ଭଲ ଅଧିନାୟକ ବୋଲି ପୁଣି ଆରମ୍ଭ ହୋଇଛି ତର୍କବିତର୍କ । ଗତ ଦୁଇଦିନ ହେଲା ସୋଶଲ ମିଡିଆରେ ଏନେଇ ଖୁବ ଟ୍ରୋଲ କରାଯାଉଛି । ୭ ବର୍ଷର ଟେଷ୍ଟ ଏବଂ ୪ ବର୍ଷ ସିମୀତ ଓଭରର ଅଧିନାୟକ କରିବା ସତ୍ତେ୍ୱ ସେ ଆଜି ପର୍ଯ୍ୟନ୍ତ କୌଣସି ଆଇସିସି ଟ୍ରଫି ନ ଜିତିବା କ୍ରିକେଟ ପ୍ରେମୀମାନଙ୍କୁ ନିରାଶ କରିଛି । ଏହାପରେ ଭଲ ସୁଯୋଗ ଥାଇ ସୁଦ୍ଧା ବିଶ୍ୱ ଟେଷ୍ଟ ଚମ୍ପିୟନସିପ ହାତଛଡା ହୋଇଥିବାରୁ ଏବେ ଧୋନୀ ଏବଂ କୋହଲୀଙ୍କ ଅଧିନାୟକ ପଦ ନେତୃତ୍ୱ ଶୈଳୀକୁ ନେଇ ପ୍ରଶ୍ନବାଣ କରିଛନ୍ତି ଅଗଣିତ କ୍ରିକେଟ ପ୍ରେମୀ ।
କ୍ରିକେଟ ଇତିହାସରେ ଭାରତ ମୋଟ ୧୦ଟି ଆଇସିସି ଫାଇନାଲରେ ପହଞ୍ଚିଛି । ତେବେ ଏଥିରୁ ୪ଟିରେ ନେତୃତ୍ୱ ନେଇଥିଲେ ମହେନ୍ଦ୍ର ସିଂ ଧୋନୀ ଏବଂ ୩ଟି ଟ୍ରଫି ନିଜ ନାମରେ କରିବାରେ ସେ ସଫଳ ହୋଇଛନ୍ତି । ଅନ୍ୟ ୬ ଟି ଫାଇନାଲରେ ଭାରତ ମାତ୍ର ଗୋଟିଏ ଟ୍ରୁ୍ଣ୍ଣାମେଣ୍ଟ ଜିତି ପାରିଛି । କିନ୍ତୁ କୋହଲୀଙ୍କ ନେତୃତ୍ୱରେ ଗୋଟିଏ ବି ଆଇସିସି ଟ୍ରଫି ଦଳ ଜିତି ପାରିନାହିଁ । ତେଣୁ ପ୍ରଶଂସକଙ୍କ ମନରେ ଏବେ କ୍ଷୋଭ ଦେଖିବାକୁ ମିଳିଛି । ଏପରିକି କୋହଲୀଙ୍କୁ ଅଧିନାୟକ ପଦରୁ ହଟାଇବା ପାଇଁ ମଧ୍ୟ ଦାବି ହୋଇଛି ।
