ଭାରତ-ଶ୍ରୀଲଙ୍କା ସିରିଜ ଭିତରେ ପଶିଲା ଇଂଲଣ୍ଡ

ନୂଆଦିଲ୍ଲୀ(ଓଡିଶା ସ୍ପୋର୍ଟସ): ଭାରତ ଏବଂ ଶ୍ରୀଲଙ୍କା ସିରିଜକୁ ନେଇ ବଢିଲା ଆଶଙ୍କା । ଇଂଲଣ୍ଡ ଦଳର ୭ ଜଣ ସଦସ୍ୟ କୋରୋନା ଆକ୍ରାନ୍ତ ହେବା ପରେ ଏହି ସିରିଜ ଉପରେ କଳା ବାଦଲ ଛାଇ ଯାଇଛି । ଇଂଲଣ୍ଡ ଗସ୍ତରେ ଯାଇଥିବା ଶ୍ରୀଲଙ୍କା ଦଳର ସଦସ୍ୟମାନଙ୍କୁ ଘରକୁ ଫେରିବା ନେଇ ଲାଗୁ ହୋଇଛି କଟକଣା । ଇଂଲଣ୍ଡ ବିରୁଦ୍ଧରେ ସିରିଜ ଖେଳିବା ପରେ ଖେଳାଳୀମାନଙ୍କୁ ଘରକୁ ଫେରିବା ପରିବର୍ତ୍ତେ ଆଇସୋଲେସନରେ ରଖିବବାକୁ ନିର୍ଣ୍ଣୟ ନେଇଛି ଶ୍ରୀଲଙ୍କା ବୋର୍ଡ ।
ଆଜି କଲୋମ୍ବୋରେ ପହଞ୍ଚିବ ଇଂଲଣ୍ଡ ଗସ୍ତରେ ଯାଇଥିବା ଶ୍ରୀଲଙ୍କା ଦଳ । ଏହାପରେ ସେମାନଙ୍କର ଟେଷ୍ଟ କରାଯାଇ ଦ୍ୱିତୀୟ ବାୟୋ ବବଲରେ ପବେଶ କରାଯିବ । ଯଦି କେହି ବି ପଜିଟିଭ ଚିହ୍ନଟ ହୁଅନ୍ତି ତେବେ ସେ ଟେଷ୍ଟଂ ସହିତ ପୃଥକବାସ ନିୟମ ପାଳନ କରିବେ ।