ଲକ୍ଷ୍ନୌ : ଆଜି ସନ୍ଧ୍ୟାରେ ଖେଳାଯିବ ଲକ୍ଷ୍ନୌ ସୁପରଜାଏଣ୍ଟ୍ସ ବନାମ ସନରାଇଜର୍ସ ହାଇଦ୍ରାବାଦ ମ୍ୟାଚ୍ । ଏହା ପୂର୍ବରୁ ଲକ୍ଷ୍ନୌ ପାଇଁ ଏକ ଖୁସି ଖବର ଆସିଛି କାରଣ ହାଇଦ୍ରାବାଦର ବିସ୍ଫୋରକ ବ୍ୟାଟସମ୍ୟାନ୍ ଟ୍ରାଭିସ୍ ହେଡ୍ କରୋନାରେ ସଂକ୍ରମିତ ହୋଇଛନ୍ତି। ଏହି କାରଣରୁ ସେ ଆଜିର ମ୍ୟାଚ୍ ଖେଳିପାରିବେ ନାହିଁ।
ଟ୍ରାଭିସ୍ ହେଡ୍ କରୋନାରେ ସଂକ୍ରମିତ ହେବା ପରେ ଭାରତ ପହଞ୍ଚିପାରି ନାହାଁନ୍ତି, ଏହା ସନରାଇଜର୍ସ ହାଇଦ୍ରାବାଦ ଦଳର ମୁଖ୍ୟ ପ୍ରଶିକ୍ଷକ ଡାନିଏଲ୍ ଭିଟୋରି ନିଶ୍ଚିତ କରିଛନ୍ତି। ହେଡ୍ ଯେକୌଣସି ବୋଲିଂ ୟୁନିଟ୍କୁ ନଷ୍ଟ କରିପାରେ, ସେ ବହୁତ ଦ୍ରୁତଗତିରେ ରନ୍ ସ୍କୋର କରିଥାନ୍ତି। ଏହି ଦୃଷ୍ଟିରୁ, ଏହା ଲକ୍ଷ୍ନୌ ସୁପରଜାଏଣ୍ଟସ୍ ପାଇଁ ଏକ ଆଶ୍ୱସ୍ତି ଖବର ହୋଇପାରେ। ହାଇଦ୍ରାବାଦର ପ୍ରଶିକ୍ଷକ ଡାନିଏଲ୍ ଭିଟୋରି କହିଛନ୍ତି, ସେ କରୋନା ପଜିଟିଭ୍ ହୋଇଛନ୍ତି, ଯାହା ଯୋଗୁଁ ସେ ଭାରତ ଆସିପାରି ନାହାଁନ୍ତି। ଆମେ ଆଶା କରୁଛୁ ଯେ ସେ ସମ୍ପୂର୍ଣ୍ଣ ସୁସ୍ଥ ହୋଇ ପରବର୍ତ୍ତୀ ମ୍ୟାଚ୍ ପାଇଁ ଦଳରେ ଯୋଗଦେବେ।
