ନୂଆଦିଲ୍ଲୀ: ସେ କେବେ କ୍ରିକେଟର ତ ଆଉ କେତେବେଳେ ‘ଡକ୍ଟର’ । ସାରା ବିଶ୍ବରେ ‘ଫାଦର୍ ଅଫ୍ କ୍ରିକେଟ’ ଭାବେ ପରିଚିତ ସେ । ସବୁଠୁ ଖାସ୍ କଥା ହେଉଛି ସେ ପଡିଆକୁ ଓହ୍ଲାଇବା ମାନେ ଟିକେଟ୍ର ଦାମ୍ ଡବଲ୍ ହୋଇଯାଉଥିଲା । ସେ ପୁରା ବିଶ୍ୱରେ ପରିଚିତ । ଆମେ କହୁଛୁ ଇଂଲଣ୍ଡ କ୍ରିକେଟର ଡଏ ଗ୍ରୀସଙ୍କ କଥା । ୧୮୪୮ ଇଂଲଣ୍ଡର ବ୍ରିଷ୍ଟଲରେ ଜନ୍ମଗ୍ରହଣ କରିଥିଲେ ଡଏ ଗ୍ରୀସ୍ । ସେ ଥିଲେ ଜଣେ ଅଲରାଉଣ୍ଡର । ଦୁର୍ଦ୍ଦଶ ବ୍ୟାଟ୍ସମ୍ୟାନ୍, ଚତୁର ବୋଲର ଏବଂ ଜଣେ ଚମତ୍କାର ଫିଲ୍ଡର । କିନ୍ତୁ ତାଙ୍କର ସବୁଠାରୁ ବଡ ପରିଚୟ ଥିଲା ତାଙ୍କର ଲମ୍ବା ଦାଢୀ । ଗ୍ରେସ୍ ଆଧୁନିକ କ୍ରିକେଟ୍ର ସୃଷ୍ଟିକର୍ତ୍ତା । ଗ୍ରେସ୍ କେତେବେଳେ ‘ଚାମ୍ପିଅନ୍’ ତ କେତେବେଳେ ‘ଡାକ୍ତର’ ଭାବେ ଜଣାଯାନ୍ତି । ୩୨ ବର୍ଷ ବୟସରେ ଆରମ୍ଭ କରିଥିଲେ ଟେଷ୍ଟ କ୍ୟାରିୟର । ଯାହା ଇଂଲଣ୍ଡର ପ୍ରଥମ ଟେଷ୍ଟ ମ୍ୟାଚ୍ ଥିଲା । ୧୮୮୦ ଓଭାଲରେ ଖେଳାଯାଇଥିବା ପ୍ରଥମ ଟେଷ୍ଟ ମ୍ୟାଚରେ ଗ୍ରେସ୍ ୧୫୨ ରନ୍ର ଖେଳିଥିଲେ ଇନିଂସ । ଯେତେବେଳେ ଗ୍ରେସ୍ ତାଙ୍କର ଶେଷ ଟେଷ୍ଟ ମ୍ୟାଚ୍ ଖେଳିଥିଲେ ତାଙ୍କୁ ୫୧ ବର୍ଷ ହୋଇଥିଲା । ଗ୍ରେସ୍ ୨୨ଟି ଟେଷ୍ଟରେ ୧୦୯୮ ରନ୍ ସ୍କୋର କରିଥିଲେ । ଯେଉଁଥିରେ ଦୁଇ ଶତକ ଏବଂ ୫ଟି ଅର୍ଦ୍ଧ ଶତକ ରହିଛି ।
ସେ ପ୍ରତିମ୍ୟାଚ୍ରେ କରୁଥିଲେ ନୂଆ ନୂଆ ରେକର୍ଡ । ଗ୍ରେସଙ୍କୁ ପ୍ରଥମ ଶ୍ରେଣୀ ରେକର୍ଡ ଏପରି ଥିଲା ଯାହାକୁ ଜାଣିଲେ ଆପଣ ମଧ୍ୟ ଚକିତ ହୋଇଯିବେ । ଗ୍ରେସ୍ ୮୭୦ ପ୍ରଥମ ଶ୍ରେଣୀ କ୍ରିକେଟ ମ୍ୟାଚରେ ୫୪ ହଜାର ୨୧୧ ରନ୍ ସଂଗ୍ରହ କରିଥିଲେ । ଯେଉଁଥିରେ ୧୨୪ଟି ଶତକ ଏବଂ ୨୫୧ଟି ଅର୍ଦ୍ଧ ଶତକ ରହିଥିଲା । ଏହାବ୍ୟତୀତ ସେ ମୋଟ ୨୮୦୯ଟି ୱିକେଟ୍ ନେଇଥିଲେ । ଏହି ସମୟରେ ୪୯ ରନ ଦେଇ ୧୦ଟି ଓ୍ବିକେଟ ନେବାରେ ସେ କରିଥିଲେ ରେକର୍ଡ । ସେ ଫାଷ୍ଟ କ୍ଲାସ୍ କ୍ରିକେଟରେ ପ୍ରଥମ ଦ୍ବିଶତକ, ଟେଷ୍ଟ ମ୍ୟାଚରେ ୫୦ ହଜାର ରନ ପୁରା କରିଥିବା ପ୍ରଥମ କ୍ରିକେଟର ଏବଂ ଡେବ୍ୟୁ ମ୍ୟାଚରେ ଶତକ ଲଗାଇଥିବା ପ୍ରଥମ ଇଂରେଜ କ୍ରିକେଟର ଅଟନ୍ତି । ବ୍ୟାଟିଂ କରୁଥିବା ସମୟରେ ବଲ୍କୁ ଶୀଘ୍ର ବୁଝିବାରେ ଅଦ୍ଭୁତ ସାମର୍ଥ୍ୟ ଥିଲା ଗ୍ରୀସ୍ଙ୍କର ।
ଯେଉଁଠାରୁ ବି ବୋଲିଂ କଲେ ସେ ବ୍ୟାଟିଂ କରିବାର ସାମର୍ଥ୍ୟ ରଖିଥିଲେ’। ସେ କେବେବି ଆଉଟ୍ ହେବାକୁ ପସନ୍ଦ କରୁନଥିଲେ । ବୋଧେ ସେ ଦୁନିଆର ଏପରି ଜଣେ ବ୍ୟାଟ୍ସମ୍ୟାନ୍, ଯିଏକି ବୋଲ୍ଡ ଆଉଟ୍ ହେବା ପରେ ବେଲ୍ ରଖି ପୁଣି ଇଂନିସ୍ ଖେଳିବା ଆରମ୍ଭ କରିଥିଲେ । ଏମିତିକି ତାଙ୍କ ସହ ଯୁକ୍ତି କରିବାକୁ କେହି ସାହସ କରିନଥିଲେ । ଗ୍ରେସଙ୍କର ଆଉ ଏକ ଅଭ୍ୟାସ ଥିଲା ଉଡ଼ୁଥିବା ପକ୍ଷୀଙ୍କୁ ପଥର ଫିଙ୍ଗିବା । ଯାହା ତାଙ୍କର ଭଲ ଫିଲ୍ଡିଂ ଏବଂ ବୋଲିଂର କାରଣ ଭାବେ ବିବେଚନା କରାଯାଉଥିଲା । ତାଙ୍କ ପିତା ହେନେରୀ ମିଲ୍ ଗ୍ରେସ୍ ଜଣେ ଡାକ୍ତର ଥିଲେ । ଆଉ ପୁଅ WGଙ୍କୁ ଡାକ୍ତର କରିବାକୁ ଚାହୁଁଥିଲେ । ସେଥିପାଇଁ ଗ୍ରେସ୍ ବ୍ରିଷ୍ଟଲ୍ ମେଡିକାଲ୍ କଲେଜରେ ୧୮୬୮ରେ ଆଡମିଶନ ନେଇଥିଲେ ।
କିନ୍ତୁ କ୍ରମାଗତ କ୍ରିକେଟ୍ ଖେଳିବା ହେତୁ ତାଙ୍କୁ ଡାକ୍ତରୀ ପରୀକ୍ଷାରେ ପାସ୍ କରିବାକୁ ଲାଗିଥିଲା ୧୧ ବର୍ଷ । ଆଉ ଏହାପରଠାରୁ ହିଁ ସେ ଡାକ୍ତର ଭାବେ ହୋଇଥିଲେ ପରିଚିତ । ଗ୍ରେସ୍ ତାଙ୍କର ୨୨ଟି ଟେଷ୍ଟ ମ୍ୟାଚ୍ର ଶେଷ ୧୩ଟି ମ୍ୟାଚରେ ଇଂଲଣ୍ଡ ଅଧିନାୟକ ଥିଲେ । ୨୩ ଅକ୍ଟୋବର ୧୯୧୫ରେ ହୃଦଘାତରେ ମୃତ୍ୟୁ ବରଣ କରିଥିଲେ WG ଗ୍ରୀସ୍ । ୩ଦିନ ପରେ ତାଙ୍କୁ ଦିଆଯାଇଥିଲା କବର ।
