ଏସୀୟ କ୍ରିଡାରେ ବାଂଲାଦେଶକୁ ୧-୦ରେ ପରାସ୍ତ କଲା ଭାରତ

ନୂଆଦିଲ୍ଲୀ: ଏସୀୟ କ୍ରିଡାର ପ୍ରଥମ ବିଜୟୀ ହାସଲ କରିଲା ଭାରତ । ବାଂଲାଦେଶକୁ ପରାସ୍ତ କରିଲା ଭାରତ । ଏସୀୟ କ୍ରିଡାରେ ଭାରତୀୟ ଫୁଟବଲ ଦଳ ବାଂଲାଦେଶକୁ ୧-୦ରେ ପରାସ୍ତ କରିଛି । ଏହି ମ୍ୟାଚରେ ସୁନୀଲ ଛେତ୍ରୀଙ୍କ ନେତୃତ୍ୱାଧୀନରେ ଖେଳାଯାଇଥିଲା । ଏହା ପୂର୍ବରୁ ଚୀନ ବିପକ୍ଷ ମ୍ୟାଚରେ ଭାରତକୁ ପରାଜୟର ସମ୍ମୁଖୀନ ହେବାକୁ ପଡିଥିଲା । କିନ୍ତୁ ଭାରତୀୟ ଦଳ ବାଂଲାଦେଶ ବିପକ୍ଷରେ ଭଲ ପ୍ରତ୍ୟାବର୍ତ୍ତନ କରିଥିବା ବେଳେ ଏହି ମ୍ୟାଚରେ ଭାରତ ବାଂଲାଦେଶକୁ ୧-୦ ଗୋଲରେ ପରାସ୍ତ କରିଛି । ଭାରତ ପକ୍ଷରୁ ଅଧିନାୟକ ସୁନୀଲ ଛେତ୍ରୀ ଶେଷ ମୁହୂର୍ତ୍ତରେ ଗୋଲ୍ ଦେଇଥିଲେ। ସେ ମ୍ୟାଚର ୮୫ ତମ ମିନିଟରେ ଏହି ଗୋଲ କରିଥିଲେ । ଭାରତ ଓ ବାଂଲାଦେଶ ମ୍ୟାଚରେ ଆରମ୍ଭରୁ ହିଁ କଡ଼ା ପ୍ରତିଯୋଗିତା ଦେଖିବାକୁ ମିଳିଥିଲା । ଉଭୟ ଦଳର ଖେଳାଳି ମାନେ ଆରମ୍ଭରୁ ଗୋଲ ସ୍କୋର କରିବାକୁ ଯଥାସମ୍ଭବ ଚେଷ୍ଟା କରିଥିଲେ ମଧ୍ୟ ସଫଳ ହୋଇନଥିଲେ। ମ୍ୟାଚ୍ ର ପ୍ରଥମାର୍ଦ୍ଧ ପର୍ୟ୍ୟନ୍ତ ଭାରତ-ବାଂଲାଦେଶ ଖେଳାଳିମାନେ କୌଣସି ଗୋଲ୍ ସ୍କୋର କରିପାରିନଥିଲେ। କିନ୍ତୁ ଦ୍ୱିତୀୟାର୍ଦ୍ଧରେ ଭାରତୀୟ ଦଳ ଚମତ୍କାର ଖେଳ ପ୍ରଦର୍ଶନ କରିଥିଲା। ତେବେ ଉଭୟ ଦଳର ଖେଳାଳିମାନେ ଗୋଲ ସ୍କୋର କରିବାପାଇଁ ଅନେକ ସୁଯୋଗ ପାଇଥିଲେ ମଧ୍ୟ ତାହାର ଫାଇଦା ଉଠାଇବାରେ ବିଫଳ ହୋଇଥିଲେ।