ରାଜକୋଟରେ ଖେଳା ଯିବ ଭାରତ–ଇଂଲଣ୍ଡର ୩ୟ ଟେଷ୍ଟ ମ୍ୟାଚ

ଚାଲିଛି ଭାରତ-ଇଂଲଣ୍ଡ ମଧ୍ୟରେ ୫ଟିକିଆ ଟେଷ୍ଟ ସିରିଜ୍ ।କିନ୍ତୁ ଏହାରି ଭିତରେ ଶେଷ ହୋଇଯାଇଛି ୨ଟି ମ୍ୟାଚ । ତେବେ ତୃତିୟ ମ୍ୟାଚଟି ରାଜକୋଟରେ ଖେଳା ଯିବାକୁ ସ୍ତିର କରାଯାଇଥିବା କୁହାଯାଉଛି । ତେବେ ଏହିମ୍ୟାଚରେ ଇଂଲଣ୍ଡ ଦଳରେ ସାମାନ୍ୟ ପରିବର୍ତ୍ତନ ଦେଖାଯିବାର ସୂଚନା ରହିଛି । ସେପଟେ ବିଶାଖାପାଟନମରେ ଭାରତର ବିଜୟ ପରେ ମଧ୍ୟଦଳରେ ପରିବର୍ତ୍ତନ ରହିବାର ସମ୍ଭାବନା ରହିଛି । କାରଣ ଏହାରି ଭିତରେ ଦରୁ ବାଦପଡିଛନ୍ତି ଶ୍ରେୟାସ ଆୟର ଓ କେ ଏଲ ରାହୁଲ । ଏବେ ଏହି ୨ଟି ସ୍ଥାନ ପାଇଁ ୩ଜଣ ଯୁବ ବ୍ୟାଟର ଲାଇନରେ ରହିଛନ୍ତି । ତେବେ ୨ୟ ଟେଷ୍ଟରେ ରାହୁଲଙ୍କ ସ୍ଥାନରେ ରଜତ ପାତିଦାର ପଦାର୍ପଣ କରିଥିବା ବେଳେ ଏଥର ମଧ୍ୟ ସେ ଏକାଦଶରେ ସ୍ଥାନ ବଜାୟ ରଖିବେ ବୋଲି କୁହାଯାଉଛି । ବାକି ଆୟରଙ୍କ ସ୍ଥାନ ପାଇଁ ସର୍ଫରାଜ ଖାନ ଓ ଦେବଦତ୍ତ ପାଡ଼ିକଲଙ୍କ ମଧ୍ୟରୁ ଜଣେ ଡେବ୍ୟୁ କରିବେ । ସର୍ଫରାଜଙ୍କ ଖେଳିବା ସମ୍ଭାବନା ଅଧିକ ରହିଥିବା କୁହାଯାଉଛି । ମାତ୍ର ରାଜକୋଟ୍ ପିଚ୍ ବ୍ୟାଟିଂ ପାଇଁ ଅନୁକୂଳ ରହିଥିବାରୁ ଇଂଲଣ୍ଡ ସ୍ପିନରଙ୍କ ମୁକାବିଲା କରିବା ପାଇଁ ବାମ ହାତି ବ୍ୟାଟରଙ୍କୁ ପ୍ରାଧାନ୍ୟ ଦିଆଯାଇପାରେ । ଇଂଲଣ୍ଡର ସ୍ପିନର ଟମ ହାର୍ଟଲି ବାମ ହାତି ସ୍ପିନର ଓ ରେହାନ ଅହମ୍ମଦ ଡାହାଣ ହାତି ଲେଗ୍ ସ୍ପିନର । ଉଭୟଙ୍କ ବିପକ୍ଷରେ ଜଣେ ବାମ ହାତି ବ୍ୟାଟର ଖେଳିବା ସହଜ ହେବ । ସେପଟେ ଆହତ ସମସ୍ୟା ଯୋଗୁଁ ୨ୟ ଟେଷ୍ଟ ଖେଳିନଥିବା ରବିନ୍ଦ୍ର ଜାଡେଜା ଫିଟ୍ ଘୋଷିତ ହୋଇଛନ୍ତି । ଆଜି ସେ ନେଟ୍ସରେ ଜୋରଦାର ଅଭ୍ୟାସ କରିଥିଲେ। ରାଜକୋଟ୍ ମଧ୍ୟ ତାଙ୍କ ଘରୋଇ ଗ୍ରାଉଣ୍ଡ୍ । ଏହି ଗ୍ରାଉଣ୍ଡରେ ସେ ଗୋଟିଏ ତ୍ରିଶତକ ଓ ୨ଟି ଦ୍ୱିଶତକ (ରଣଜୀ ଟ୍ରଫିରେ) ଅର୍ଜନ କରିଛନ୍ତି । ନେଟ୍ସରେ ଜାଡେଜା ଦୀର୍ଘ ସମୟ ଧରି ବ୍ୟାଟିଂ ଅଭ୍ୟାସ କରିଥିବା ଦେଖିବାକୁ ମିଳିଥିଲା । ଦ୍ୱିତୀୟ ଟେଷ୍ଟରେ ଫିଲ୍ଡିଂ କରୁଥିବାବେଳେ ଗିଲଙ୍କ ଡାହାଣ ହାତ ବିଶି ଆଙ୍ଗୁଳିରେ ଆଘାତ ଲାଗିଥିଲା । ତେଣୁ ତାଙ୍କୁ ଅଭ୍ୟାସରୁ ବିରତ ରଖାଯାଇଥିଲା । ଆଘାତ ଗୁରୁତର ନୁହେଁ । ତେଣୁ ବୁଧବାର ସେ ଅଭ୍ୟାସ କରିବେ । ବୁମରା, ପାଡ଼ିକଲ ଓ ଆକାଶ ଦୀପ ଅପରାହ୍ଣରେ ଦଳ ସହ ଯୋଗ ଦେଇଛନ୍ତି । ନବାଗତ ୱିକେଟ୍ କିପର ଧ୍ରୁବ ଜୁରେଲ ମଧ୍ୟ ରାଜକୋଟ୍ରେ ପଦାର୍ପଣ କରିବା ସମ୍ଭାବନା ରହିଛି ।