ଭାରତ ଏବଂ ଇଣ୍ଡିଜ୍ ମଧ୍ୟରେ ଚାଲିଥିବା ୫୫ ଟିକିଆ ଟେଷ୍ଟ ସିରଜର ଚତୁର୍ଥ ମ୍ୟାଚ୍୍ ଆଜି ମୁମ୍ବାଇର ବ୍ରେରାନ୍ନ ଷ୍ଟାଡ଼ିୟମରେ ଖେଳାଯିବ । ଗୌହାଟୀରେ ଖେଳାଯାଇଥିବା ପ୍ରଥମ ମ୍ୟାଚରେ ଭାରତ ବିଜୟୀ ହୋଇଥିବା ବେଳେ ବିଶାଖାପାଟନା ଦିନିକିଆ ଟାଇରେ ଶେଷ ହୋଇଥିଲା । ସେହିପରି ପୁଣେରେ ଖଳାଯାଇଥିବା ତୃତୀୟ ଦିନିକିଆରେ ଭାରତ କାରବିଆନ୍ ଟିମ୍୍ ଠାରୁ ୪୩ ରନ୍ରେ ପରାସ୍ତ ହୋଇଥିଲା । ବର୍ତମାନ ଦୁଇ ଦଳ ୧-୧ରେ ସିରିଜ ବରାବର ରଖିଛନ୍ତି । ଏହି ଦୃଷ୍ଟିରୁ ଆଜିର ମ୍ୟାଚ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ ।
ବିରାଟ ବାହିନୀକୁ ସିରିଜ ବିଜୟ ପାଇଁ ହେଲେ ଆଜିର ମ୍ୟାଚ ଯେମିତି ହେଲେ ଜିତିବାକୁ ପଡିବ । ଯଦି ଆଜିର ମ୍ୟାଚ ଦଳ ହାରି ଯାଏ ତେବେ ଭାରତର ସିରିଜ ବିଜୟ ଆଶା ଧୂଳିସାତ ହେବା ସହ ଶେଷ ଦିନିକିଆରେ ସିରିଜ ଟାଇ ପାଇଁ ଦଳ ଚାପରେ ରହିବ ।
ଭାରତୀୟ ଦଳ ମିଡିଲ ଅର୍ଡର ବ୍ୟାଟସମ୍ୟାନଙ୍କୁ ନେଇ ଚିନ୍ତାରେ ରହିଛି । ପୂର୍ବ ଅଧିନାୟକ ମହେନ୍ଦ୍ର ସିଂ ଧୋନୀ ଖାରପ ଫର୍ମ ଦେଇ ଗତି କରୁଛନ୍ତି । ଚୟନକର୍ତା ଶେଷ ଦୁଇଟି ମ୍ୟାଚ ପାଇଁ କେଦାର ଯାଦବଙ୍କୁ ଦଳରେ ସାମିଲ କରିଛନ୍ତି । ଫଳରେ ବୋଲିଂ ବିଭାଗ ଶକ୍ତିଶାଳୀ ହେବ ।
ଦଳର ଓପନିଂ ଯୋଡି କିଛି ମାତ୍ରାରେ ଚିନ୍ତାଜନକ ରହିଛି । ଖେଳାଯାଇଥିବା ଶେଷ ଦୁଇଟି ମ୍ୟାଚରେ ରୋହିତ ଶର୍ମା ଏବଂ ଶିଖର ଧାବନଙ୍କ ଯୋଡି ଫେଲ ମାରିଛି । ଆଜିର ମ୍ୟାଚରେ ଦର୍ଶକ ଦୁଇଜଣଙ୍କଠାରୁ ବଡ ଇନିଂସ ଆଶା କରୁଛନ୍ତି । କିନ୍ତୁ ଅଧିନାୟକ କୋହଲି ଚିତାକର୍ଷକ ଫର୍ମରେ ରହିଛନ୍ତି । ସେ ଲଗାତାର ତିନୋଟି ଦିନିକିଆରେ ଶତକ ଅର୍ଜନ କରିବା ସହ ଅନେକ ରେକର୍ଡ ଭାଙ୍ଗିଛନ୍ତି । ଭାରତକୁ ଆଜିର ମ୍ୟାଚ ଜିତିବା ପାଇଁ ହେଲେ ଓପନିଂ ଯୋଡି ସହ ମିଡିଲ ଅର୍ଡରରେ ଭଲ ଭାଗିଦାରୀ କରି ପ୍ରତିପକ୍ଷଙ୍କ ପାଇଁ ଚାପ ସୃଷ୍ଟି କରିବାକୁ ହେବ ।
