ପ୍ରଥମ ଦିନିକିଆ ମ୍ୟାଚରେ ୱେଷ୍ଟଇଣ୍ଡିଜ ବିପକ୍ଷରେ ଟସ୍ ଜିତି ପ୍ରଥମେ ବୋଲିଂ ନେଲା ଭାରତ

ଆରମ୍ଭ ହୋଇଛି ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ ପ୍ରଥମ ଦିନିକିଆ ମ୍ୟାଚ । ଟସ ଜିତି ପ୍ରଥମେ ବୋଲଂ ନେଲା ଭାରତ । ଘରୋଇ ଟିମକୁ ମାତ ଦେବା ପାଇଁ ଭାରତ ୪ଜଣ ସିମ ବୋଲର ସହ ୨ଜଣ ସ୍ପିନରଙ୍କୁ ଖେଳାଉଥିବା କୁହାଯାଉଛି । ବୋଲର ମୁକେଶ କୁମାର ଭାରତ ପକ୍ଷରୁ ତାଙ୍କର ପ୍ରଥମ ମ୍ୟାଚ୍ ଖେଳିବେ ବୋଲି କୁହାଯାଉଥିବା ବେଳେ ସପ୍ତାହେ ପୂର୍ବରୁ ସେ ପୋର୍ଟଅଫ୍ ସ୍ପେନ୍ରେ ନିଜର ପ୍ରଥମ ଟେଷ୍ଟ ମ୍ୟାଚ୍ ଖେଳିଥିଲେ ।
ଏଠାକାର କିଙ୍ଗଷ୍ଟନ୍ ଓଭାଲରେ ମ୍ୟାଚ୍ ଖେଳା ଯାଉଛି । ଯେଉଁଠି ଉଭୟ ଦଳ ପରସ୍ପର ମଧ୍ୟରେ ମୋଟ୍ ୩ଟି ମ୍ୟାଚ୍ ଖେଳିଛନ୍ତି । ପ୍ରଥମ ଦୁଟି ଘରୋଇ ଦଳ ଇଣ୍ଡିଜ୍ ଜିତିଥିବା ବେଳେ ଶେଷ ମ୍ୟାଚ୍ ଭାରତ ଜିତିଥିଲା । ତେବେ । ୨୦୦୭ରୁ ୨୦୨୨ ମଧ୍ୟରେ ଦ୍ୱିପାକ୍ଷିକ ଦିନିକିଆ ସିରିଜ୍ରେ ଭାରତ ନିଜ ଦେଶରେ ୭ଟି ଏବଂ ଇଣ୍ଡିଜ୍ ମାଟିରେ ୫ଟି ସିରିଜ୍ ବିଜୟୀ ହୋଇଛି । ଏଠାରେ ଏବେ ତାପମାତ୍ରା ପ୍ରାୟ ୩୨ ଡିଗ୍ରୀ ରହିଛି । ତେବେ ବର୍ଷାର ସମ୍ଭାବନା ନାହିଁ । ଏଠାରକାର ୩ ନମ୍ବର ପିଚ୍ରେ ମ୍ୟାଚ୍ ଖେଳାଯିବ । ଦିନିକିଆ ରାଙ୍କିଗ ବର୍ତ୍ତମାନ ଭାରତ ୩ ନମ୍ବରରେ ଥିବା ବେଳେ ଇଣ୍ଡିଜ୍ ୧୦ ନମ୍ବରରେ ରହିଛି । ତେଣୁ ବିଜୟ ସମ୍ଭାବନା ଭାରତ ପକ୍ଷକୁ ଅଧିକ ଯାଉଛି ।