ନୂଆଦିଲ୍ଲୀ : ଧର୍ମଶାଳାରେ ଖେଳାଯାଉଛି ଭାରତ-ଇଂଲଣ୍ଡ ପଞ୍ଚମ ଟେଷ୍ଟ । ଶେଷ ମ୍ୟାଚରେ ଟସ ଜିତି ପ୍ରଥମେ ବ୍ୟାଟଇଙ୍ଗ କରିଥିଲା ଇଂଲଣ୍ଡ । ସେତେବେଳେ ଭାରତୀୟ ବୋଲରଙ୍କ ଘାତକ ବଲ ଆଗରେ ଧରାସାଇ ହୋଇଥିଲା ଇଂଲଣ୍ଡ । ଏହି ମ୍ୟାଚରେ ଷ୍ଟୋକ୍ସ ବାହିନି ୨୧୮ରେ ଅଲଅଉଟ ହୋଇଯାଇଥିଲା । ପରେ ବ୍ୟାଟିଙ୍ଗ କରିଥିଲା ଭାରତୀୟ ଦଳ । ଯେଉଁଥକମାଲ୍ କଲେ ଜଶସ୍ବୀ ଜୈସ୍ଓ୍ବାଲ୍ । ପ୍ରଥମରୁ ହିଁ ଇଂଲଣ୍ଡ ଟିମ୍ ପାଇଁ ହୋଇଛନ୍ତି ଘାତକ । ସେ ୪ ବଲ୍ରେ ମାରିଛନ୍ତି ୩ ଛକ୍କା । ପ୍ରଥମେ ଯଶସ୍ୱୀ ଜୈଶ୍ବଓ୍ବାଲ୍ ଏବଂ ରୋହିତ ଶର୍ମ ଟିମ୍ ଇଣ୍ଡିଆ ପକ୍ଷରୁ ପଡିଆକୁ ଓହ୍ଲାଇଥିଲେ । କ୍ରିଜକୁ ଆସିବା ପରେ ଜୈସ୍ୱାଲ ଦେଖାଇଛନ୍ତି ଦମ୍ । ଯାହାକୁ ଦେଖିବା ପରେ ସମସ୍ତେ ହୋଇଯାଇଛନ୍ତି ଆଶ୍ଚର୍ୟ୍ୟ । ଓପନିଂ ବ୍ୟାଟ୍ସମ୍ୟାନ୍ ଜୈସ୍ୱାଲ ଓ ଅଧିନାୟକ ରୋହିତ ଶର୍ମାଙ୍କ ପାଇଁ ଆରମ୍ଭରୁ ରନ୍ କରିବା କଷ୍ଠକର ଥିଲା । ଜୈସ୍ୱାଲ ୨୭ ବଲରେ ମାତ୍ର ୬ ରନ୍ କରିଥିଲେ । କିନ୍ତୁ ନବମ ଓଭରରେ ବୋଲିଂ ପାଇଁ ଆସିଥିଲେ ଶୋଏବ ବଶୀର । ତାଙ୍କର ପ୍ରଥମ ୨ଟି ବଲ୍ ଡଟ୍ ହୋଇଥିଲା । କିନ୍ତୁ ପରବର୍ତ୍ତୀ ୪ ବଲ୍ରେ ଜୈସ୍ୱାଲ ମାରିଥିଲେ ୩ ଛକ୍କା । ଆଉ ‘ବାଜ୍ବଲ୍’କୁ କରିଥିଲେ ଫେଲ୍ । ବଶୀରଙ୍କ ୩ୟ ବଲ୍ରେ ଲଙ୍ଗ୍-ଅଫ୍ ଆଡକୁ ବଢି ଲଗାଇଥିଲେ ଛକ୍କା । ତେବେ ୪ର୍ଥ ବଲ୍ ଡଟ୍ ହୋଇଥିବା ବେଳେ ପଞ୍ଚମ ବଲରେ ପୁଣି ଲଗାଇଥିଲେ ଛକ୍କା । ସେହିପରି ଓଭରର ୩ୟ ଛକ୍କା ପୁରା କ୍ଲାସିକ୍ ଅନ୍ଦାଜ୍ରେ ସିଧା ବ୍ୟାଟ୍ରେ ଲଗାଇଥିଲେ ଦମଦାର୍ ଛକ୍କା । ଜୈସ୍ୱାଲ ଏପର୍ୟ୍ୟନ୍ତ ଏହି ସିରିଜରେ ହାରାହାରି ୯୮ରୁ ଅଧିକ ରନ୍ ସଂଗ୍ରହ କରିଛନ୍ତି । ସେ ପୁରା ସିରିଜ୍ରେ ଗୋଟିଏ ଶତକ ଏବଂ ଦ୍ୱିଶତକ ମଧ୍ୟ ହାସଲ କରିଛନ୍ତି । ତାଙ୍କ ବ୍ୟାଟ୍ରୁ ଦ୍ବିଶତକ ସିରିଜ୍ର ଦ୍ୱିତୀୟ ମ୍ୟାଚରେ ଆସିଥିଲା । ଯେଉଁଠାରେ ସେ ଆକ୍ରମଣାତ୍ମକ ଭାବେ ୭ଟି ଛକା ମାରି ୨୦୯ ରନ୍ର ଚମତ୍କାର ଇନିଂସ ଖେଳିଥିଲେ । ଏହା ମଧ୍ୟ ଏକ ଆଶ୍ଚର୍ୟ୍ୟଜନକ ଘଟଣା ଯେ ଜୈସ୍ୱାଲ ପୁରା ସିରିଜରେ ୨୬ଟି ଛକା ମାରିଛନ୍ତି।
