ବିଶ୍ୱକପ ୨୦୨୩ରେ ଭାରତୀୟ ଟିମ ଷଷ୍ଠ ବିଜୟ ହାସଲ କରିନେଇଛି । ଇଂଲଣ୍ଡ କୁ ହରାଇ ଭାରତ ପଏଣ୍ଟ ଟେବୁଲରେ ଶୀର୍ଷରେ ରହିଛି । ଚଳିତ ବିଶ୍ୱକପରେ ଭାରତୀୟ ଟିମ ଡ୍ରେସିଂ ରୁମରେଏକ ଟ୍ରେଣ୍ଡ ଆରମ୍ଭ ହୋଇଛି। ଏହି ଟ୍ରେଣ୍ଡ ଅନୁସାରେ ମ୍ୟାଚ୍ ପରେ ଫିଲ୍ଡିଂ କୋଚ ଟି. ଦିଲ୍ଲୀପ ଶ୍ରେଷ୍ଠ ଫିଲଡର ମେଡାଲ ଦେଇଥାନ୍ତି । ସବୁ ମ୍ୟାଚ ପରି ଇଂଲଣ୍ଡ ବିପକ୍ଷ ମ୍ୟାଚରେ ମଧ୍ୟ ଶ୍ରେଷ୍ଠ ଫିଲ୍ଡର ଆଓ୍ଵାର୍ଡ ଦିଆଯାଇଛି । ଏଥର ଏହି ଆଓ୍ଵାର୍ଡ ପାଇଛନ୍ତି କେଏଲ ରାହୁଲ । ତା’ ପୁଣି ଭିନ୍ନ ଅନ୍ଦାଜରେ । ଏହାପରେ ଫିଲ୍ଡିଂ କୋଚ ସବୁ ଖେଳାଳିଙ୍କୁ ବାହାରକୁ ଆଣିଥିଲେ । ଷ୍ଟାଡିୟମରେ ଏଲଇଡି ଲାଇଟ ଜରିଆରେ ଶ୍ରେଷ୍ଠ ଖେଳାଳିଙ୍କ ନାମ ଘୋଷଣା କରିଥିଲେ । ଏହି ମ୍ୟାଚରେ କେଏଲ ରାହୁଲଙ୍କୁ ଶ୍ରେଷ୍ଠ ଫିଲ୍ଡର ମେଡାଲ ମିଳିଥିଲା ।
ଲକ୍ଷ୍ନୌର ଏକନା ଷ୍ଟାଡିୟମରେ ଖେଳାଯାଇଥିବା ଇଂଲଣ୍ଡ ଏବଂ ଭାରତ ମ୍ୟାଚ୍ରେ ଭାରତ ଇଂଲଣ୍ଡକୁ ୧୦୦ ରନରେ ପରାଜୟ କରିଛି । ମ୍ୟାଚ ଜିତିବା ପରେ ଡ୍ରେସିଂ ରୁମରେ ଫିଲ୍ଡିଂ କୋଚ୍ ମ୍ୟାଚ୍ ପରେ ଶ୍ରେଷ୍ଠ ଫିଲ୍ଡିଂ କରିଥିବା ଖେଳାଳିଙ୍କ ନାମ ଘୋଷଣା କରିଥିଲେ ।
