କଲମ୍ବୋ(ଓଡିଶା ସ୍ପୋର୍ଟସ): ଅସନ୍ତା ୧୩ ତାରିଖରୁ ଭାରତ-ଶ୍ରୀଲଙ୍କା ମଧ୍ୟରେ ଖେଳାଯିବ ଘରୋଇ ସିରିଜ । ଏହି ସିରିଜରେ ୩ଟି ଦିନିକିଆ ଏବଂ ୩ଟି ଟି-ଟ୍ୱେଣ୍ଟି ମ୍ୟାଚ ଖେଳାଯିବ । ତେବେ ଏହି ସିରିଜରୁ ଶ୍ରୀଲଙ୍କାର ପୂର୍ବତନ ଅଧିନାୟକ ତଥା ବରିଷ୍ଠ ଅଲରାଉଣ୍ଡର ଆଞ୍ଜେଲୋ ମାଥ୍ୟୁସ ଓହରି ଯାଇଥିବା ଜଣାଯାଇଛି । ସିରିଜରୁ ନିଜ ନାମ ଫେରାଇ ଦେବାର କାରଣ ସେ ବ୍ୟକ୍ତିଗତ ସମସ୍ୟା ବୋଲି ଦର୍ଶାଇଛନ୍ତି । ଏଥିସହ ଶ୍ରୀଲଙ୍କା କ୍ରିକେଟ ବୋର୍ଡ ଉପରେ କ୍ଷୁବ୍ଧ ହୋଇ ମାଥ୍ୟୁସ ଆନ୍ତର୍ଜାତିକ କ୍ରିକେଟରୁ ଅବସର ଘୋଷଣା କରିପାରନ୍ତି ବୋଲି ମଧ୍ୟ ସୂଚନା ମିଳିଛି । ତେବେ ସେ ନିଜେ ଏ ନେଇ କୌଣସି ନିଷ୍ପତ୍ତି ଜଣାଇନାହାନ୍ତି । କିନ୍ତୁ ବର୍ତ୍ତମାନ ଭାରତ ବିପକ୍ଷ ସିରିଜରୁ ସେ ନିଜ ନାମ ଫେରାଇ ନେଇଛନ୍ତି ।
ସୂଚନା ଯୋଗ୍ୟ ଏହା ପୂର୍ବରୁ ଶ୍ରୀଲଙ୍କା ଦଳର ଅନ୍ୟ ୩ ଜଣ ବରିଷ୍ଠ ଖେଳାଳୀ ବାୟୋ ବବଲ ଭାଙ୍ଗିବା ଅଭିଯୋଗରେ ସିମୀତ ଓଭର ସିରିଜରୁ ବାଦ ପଡିଛନ୍ତି । ଏବେ ମାଥ୍ୟୁସ ଓହରିଯିବା ପରେ ଶ୍ରୀଲଙ୍କା ଦଳ ଏକ ଦୁର୍ବଳ ଟିମ ସହ ଭାରତକୁ ସାମନା କରିବ ।
ସିରିଜରୁ ଓହରିଲେ ମାଥ୍ୟୁସ
