Cricket

ଧୋନିଙ୍କୁ ନେଇ ଭାବପ୍ରବଣ ହେଲେ ଏନ୍. ଶ୍ରୀନିବାସନ, କହିଲେ ଧୋନିଙ୍କ ବିନା CSK ଅଧୁରା !

ଧୋନିଙ୍କ ବିନା ଚେନ୍ନାଇ ସୁପର କିଙ୍ଗ୍ସର କୌଣସି ପରିଚୟ ନାହିଁ । ମାହିଙ୍କ IPLରୁ ଅବସର ଖବର ସାମ୍ନାକୁ ଆସିବା ପରେ ଭାବପ୍ରବଣ ହୋଇପଡ଼ିଛନ୍ତି CSKର ମାଲିକ ଏନ୍. ଶ୍ରୀନିବାସନ । ଦୀର୍ଘ ୧୮ ବର୍ଷର ସମ୍ପର୍କ, ଅନେକ ସ୍ମରଣୀୟ ମୁହୂର୍ତ୍ତ ଆଉ ଅଗଣିତ ସଫଳତାକୁ ମନେ ପକାଇ ଧୋନିଙ୍କ ପ୍ରତି ନିଜର ଭଲପାଇବା ଓ ସମ୍ମାନ ପ୍ରକାଶ କରିଛନ୍ତି ସେ । ଶ୍ରୀନିବାସନ କହିଛନ୍ତି, ପ୍ରାୟ ଦୁଇ ଦଶନ୍ଧି ଧରି ଆମେ ଏକାଠି ଚାଲିଛୁ । ଏହି ଯାତ୍ରାରେ ବିଜୟ ଆସିଛି, ପରାଜୟ ମଧ୍ୟ ଆସିଛି । କିନ୍ତୁ ଆମ ସମ୍ପର୍କରେ କେବେ ବିଶ୍ୱାସର ଅଭାବ ରହିନାହିଁ । ପରସ୍ପରର ଉଦ୍ଦେଶ୍ୟ ଉପରେ ଆମେ କେବେ ପ୍ରଶ୍ନ ଉଠାଇନାହୁଁ । ଏହି ବିଶ୍ୱାସ ହିଁ ଆମ ଯାତ୍ରାକୁ ଏତେ ସୁନ୍ଦର କରିଛି ।

N Srinivasan, India's No. 1 fanboy | Cricinfo

୨୦୦୮ ମସିହାର IPL ଆରମ୍ଭ ସମୟକୁ ମନେ ପକାଇ ଶ୍ରୀନିବାସନ କହିଛନ୍ତି, ଧୋନିଙ୍କୁ ଚେନ୍ନାଇ ଦଳରେ ସାମିଲ କରିବାକୁ ସେ ନିଜେ ଜୋର ଦେଇଥିଲେ । ଆଜି ସେହି ନିଷ୍ପତ୍ତି ତାଙ୍କ ଜୀବନର ଶ୍ରେଷ୍ଠ ନିଷ୍ପତ୍ତି ବୋଲି ପ୍ରମାଣିତ ହୋଇଛି । କେବଳ ଧୋନିଙ୍କ କ୍ରିକେଟ୍ ସଫଳତା ପାଇଁ ନୁହେଁ, ବରଂ ସେ ଜଣେ ଉତ୍ତମ ମଣିଷ ହୋଇଥିବାରୁ ମଧ୍ୟ ତାଙ୍କୁ ପ୍ରଶଂସା କରିଛନ୍ତି । ଧୋନିଙ୍କ ନେତୃତ୍ୱରେ CSK ପାଞ୍ଚ ଥର IPL ଚାମ୍ପିୟନ ହୋଇଛି । ତେବେ ଖେଳାଳି ଭାବେ ତାଙ୍କ ଯାତ୍ରା ଶେଷ ହୋଇଥିଲେ ମଧ୍ୟ IPL ୨୦୨୭ରୁ ସେ ଦଳର ମେଣ୍ଟର ଭାବେ ନୂଆ ଦାୟିତ୍ୱ ତୁଲାଇବେ । ଏବେ ପ୍ରଶ୍ନ, ହଳଦିଆ ଜର୍ସିରେ ମାହିଙ୍କୁ ଖେଳୁଥିବାର ନଦେଖିଲେ ଫ୍ୟାନ୍ସ କେମିତି ରହିବେ? କାରଣ ଧୋନି କେବଳ ଜଣେ ଖେଳାଳି ନୁହନ୍ତି, ସେ ହେଉଛନ୍ତି CSKର ଆତ୍ମା !

Related posts

ରାଇଜିଂ ଷ୍ଟାର୍ସ ଏସିଆ କପ୍ ୨୦୨୬ ପାଇଁ ଘୋଷଣା ହୋଇଛି ଭାରତୀୟ ଦଳ

Odisha Sports Bureau

ପାକିସ୍ତାନ ୱାର୍ଲଡ କପ ଖେଳିବା ଉପରେ ବଡିଲା ସସ୍ପେନ୍ସ

ଏଥର ଚିନ୍ନାସ୍ୱାମୀ ଷ୍ଟାଡିୟମରେ ହିଁ ହେବ ଆଇପିଏଲ ୨୦୨୬

Odisha Sports Bureau