ନୂଆଦିଲ୍ଲୀ: କିଏ ହେବ ଭାରତୀୟ କ୍ରିକେଟ୍ ଟିମର ନୂଆ କୋଚ୍ ? ଏନେଇ ଚିନ୍ତାରେ ବିସିସିଆଇ । ତେବେ ଟି-୨୦ ବିଶ୍ବକପ ପରେ ହେଡ୍ କୋଚ୍ ରାହୁଲ ଦ୍ରାବିଡ ଙ୍କ କାର୍ୟ୍ୟ କାଳ ଶେଷ ହେଉଛି । ଏହା ପୂର୍ବରୁ ନୂତନ କୋଚ୍ ନିଯୁକ୍ତି ନେଇ ବିସିସିଆଇ ଆହ୍ବାନ ଦେଇଛି । ତେବେ ଏଥିରେ କିଛି ପୂର୍ବତନ ଭାରତୀୟ କ୍ରିକେଟରଙ୍କୁ ବିସିସିଆଇ ପ୍ରସ୍ତାବ ଦେଇଥିବା କୁହାଯାଉଛି । ମାତ୍ର କୌଣସି ଅଷ୍ଟ୍ରେଲୀୟ ଖେଳାଳିଙ୍କୁ ଏହି ଅଫର ଦିଆଯାଇ ନାହିଁ ବୋଲି ବିସିସିଆଇ କର୍ତ୍ତୃପକ୍ଷ ସଫେଇ ଦେଇଛନ୍ତି ।
ଅଷ୍ଟେଲିଆ ଟିମର ପୂର୍ବତନ କୋଚ୍ ଜଷ୍ଟିନ୍ ଲାଙ୍ଗର ଏବଂ ଚାମ୍ପିଅନ ଅଧିନାୟକ ରିକି ପଏଣ୍ଟିଂ ଙ୍କୁ କୋଚ୍ ହେବାକୁ ବିସିସିଆଇ ପ୍ରସ୍ତାବ ଦେଇଥିବା ସେ ଦାବି କରିଥିଲେ ଏବଂ ଅଫରକୁ ସେ ପ୍ରତ୍ୟାଖନ କରିଥିବା କହିଥିଲେ । ହେଲେ ଏହାକୁନେଇ ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ ସ୍ପଷ୍ଟୀକରଣ ଦେଇଛି । କୌ ଣସି ଅଷ୍ଟ୍ରେଲୀୟ ଖେଳାଳିଙ୍କୁ ହେଡ୍ କୋଚ୍ ପାଇଁ ଅଫର ଦିଆଯାଇନାହିଁ ବୋଲି ବିସିସିଆଇ କହିଛି । ଜଷ୍ଟିନ୍ ଲାଙ୍ଗର ଆଇପିଏଲରେ ଲକ୍ଷ୍ନୌ ସୁପର ଜାଏଣ୍ଟସର କୋଚ୍ ଅଛନ୍ତି । ସେହିପରି ଦିଲ୍ଲୀ କ୍ୟାପିଟାଲ୍ସ ମୁଖ୍ୟ କୋଚ୍ ଅଛନ୍ତି ରିକି ପଏଣ୍ଟିଂ । କିନ୍ତୁ ଲାଙ୍ଗର କହିଛହିନ୍ତି, ଚଳିତ ଆଇପିଏଲ ସିଜିନ ଭିତରେ ତାଙ୍କୁ ଭାରତୀୟ ଟିମର ମୁଖ୍ୟ କୋଚ୍ ହେବା ପାଇଁ ଆଲୋଚନା କରାଯାଇଥିଲା । ଏବଂ ଟିମ୍ ଇଣ୍ଡିଆର କୋଚ୍ ହେବା ଚାପ ଯୁକ୍ତ କାମ ।
ମାତ୍ର ବିସିସିଆଇ ସେକ୍ରେଟାରୀ ଜୟ ଶାହ, ଏହି ଦୁଇ ଅଷ୍ଟେଲିଆ ପୂର୍ବତନ ଖେଳାଳିଙ୍କ ଦାବିକୁ ଖାରଜ୍ କରିଛନ୍ତି । ବିସିସିଆଇ ଅଷ୍ଟ୍ରେଲିଆ ଖେଳାଳିଙ୍କ ସହିତ ଏ ବାବଦରେ କୌଣସି ପ୍ରକାର ଆଲୋଚନା ହୋଇନାହିଁ ବୋଲି ମତ ଦେଇଛନ୍ତି । ମିଡିଆରେ ଯେଉଁ ସବୁ ଖବର ଆସୁଛି, ସେ ସବୁ ମିଛ । ଜୟ ଶାହ ଇସାରା ଇସାରା ରେ ଏହା ମଧ୍ୟ କହିଛ ନ୍ତି ଯେ , ବିସିସିଆଇ ଭାରତୀୟଙ୍କୁ ଟିମ୍ ଇଣ୍ଡିଆର କୋଚ୍ କରିବାକୁଚାହୁଁଛି। ହେଚ୍ କୋଚ୍ ନିଯୁକ୍ତି ଆବେଦନ ପାଇଁ ଆହ୍ବା ନ ଦିଆଯାଇଛି । ଧାର୍ୟ୍ୟ ସମୟରେ ଭିତରେ ସମସ୍ତ ଆବେଦନକୁ ତର୍ଜମା କରାଯାଇ ନିଷ୍ପତ୍ତି ନିଆଯିବ ବୋଲି କହିଛନ୍ତି ।
