ଅଲଇଂଲଣ୍ଡ ବ୍ୟାଡମିଣ୍ଟନ୍, ସିନ୍ଧୁଙ୍କୁ ବିଦାୟର ପଥ ଦେଖାଇଲେ ସୁଙ୍ଗ୍ ଜି ହୁଆନ୍

(ଓଡିଶା ସ୍ପୋର୍ଟ): ଅଲଇଂଲଣ୍ଡ ବ୍ୟାଡମିଣ୍ଟନ୍ ପ୍ରତିଯୋଗିତାରରୁ ପଦକ ଆଶାୟୀ ତଥା ଅଲିମ୍ପିକ୍ସ ପଦକ ବିଜୟିନୀ ପିଭି ସିନ୍ଧୁ ପ୍ରଥମ ରାଉଣ୍ଡରୁ ବିଦାୟ ନେଇଛନ୍ତି। ବୁଧବାର ସନ୍ଧ୍ୟାରେ କୋରିଆର ସୁଙ୍ଗ୍ ଜି ହୁଆନ୍ ପଞ୍ଚମ ମାନ୍ୟତା ସିନ୍ଧୁଙ୍କୁ ୨୧-୧୬, ୨୦-୨୨ ଓ ୨୧-୧୮ରେ ହରାଇ ବିଦାୟର ପଥ ଦେଖାଇ ଦେଇଛନ୍ତି।ଯାହା ଭାରତ ପାଇଁ ପ୍ରଥମ ଦିନରେ ଏକ ବଡ଼ ଝଟକା । ସିନ୍ଧୁ ଦ୍ବିତୀୟ ଏବଂ ତୃତୀୟ ସେଟ୍ରେ ୮ ମ୍ୟାଚ୍ ପଏଣ୍ଟ ବଞ୍ଚାଇଥିଲେ ମଧ୍ୟ ସୁଙ୍ଗଙ୍କ ଶକ୍ତିଶାଳୀ ସର୍ଭିସ୍ ଆଗରେ ଶେଷରେ ହାର ମାନିଥିଲେ। ସୁଙ୍ଗ୍ଙ୍କ ବିପକ୍ଷରେ ୮/୬ର ଜୟ/ପରାଜୟ ପରିସଂଖ୍ୟାନ ସହ ସିନ୍ଧୁ ଏହି ମ୍ୟାଚ୍କୁ ଯାଇଥିଲେ। ହେଲେ ୮୧ ମିନିଟ୍ର ତୀବ୍ର ସଂଘର୍ଷପୂର୍ଣ୍ଣ ମୁକାବିଲାରେ ସୁଙ୍ଗ୍ ବାଜି ମାରି ନେଇଥିଲେ। ଦ୍ବିତୀୟ ଓ ତୃତୀୟ ସେଟ୍ର ଶେଷ କିଛି ମିନିଟ୍ରେ ସିନ୍ଧୁ ଜବରଦସ୍ତ ଖେଳ ଖେଳିଥିଲେ। ହେଲେ ମାତ୍ରାଧିକ ଅନିଚ୍ଛାକୃତ ତ୍ରୁଟି କରି ମ୍ୟାଚ୍ ହାତଛଡ଼ା କରିଥିଲେ।