ନୂଆଦିଲ୍ଲୀ: ଦୁଇ ଥର ଅଲିମ୍ପିକ ହାସଲ ଭାରତକୁ ଗୌରବାନ୍ୱିତ କରିଥିବା ପିଭି ସିନ୍ଧୁ ଏବେ ଲଢିବେ ନିର୍ବାଚନ । ଆସନ୍ତା ଡିସେମ୍ବରରେ ସ୍ପେନରେ ହେବାକୁ ଥିବା ବିଶ୍ୱ ଚମ୍ପିଆନସିପ ସମୟରେ ବିଡବ୍ଲୁଏଫ ଆଥଲେଟ ଆୟୋଗ ତରଫରୁ ନିର୍ବାଚନ ଲଢିବେ ସିନ୍ଧୁ । ଆଥଲେଟ ଆୟୋଗ ନିର୍ବାଚନ ଚଳିତ ବର୍ଷ ଡିସେମ୍ବର ୧୭ ରେ (୨୦୨୧-୨୦୨୫) ଟୋଟାଲ ଏନର୍ଜିଜ ବିଡବ୍ଲୁଏଫ ବିଶ୍ୱ ଚାମ୍ପିଅନସିପ ସହ ସ୍ପେନରେ ହେବ।
ବର୍ତ୍ତମାନର ଖେଳାଳିଙ୍କ ମଧ୍ୟରୁ କେବଳ ପିଭି ସିନ୍ଧୁ ପୁଣିଥରେ ନିର୍ବାଚନ ପାଇଁ ଛିଡା ହେବେ। ଏହା ପୂର୍ବରୁ ୨୦୧୭ ରେ ମଧ୍ୟ ତାଙ୍କୁ ଚୟନ କରାଯାଇଥିଲା। ଏହି କ୍ରମରେ ସେ ୬ ଜଣ ମହିଳା ପ୍ରତିନିଧିଙ୍କ ମଧ୍ୟରୁ ଜଣେ। ସିନ୍ଧୁଙ୍କ ସହିତ ଇଣ୍ଡୋନେସିଆର ମହିଳା ଯୁଗଳ ଖେଳାଳି ତଥା ଟୋକିଓ ଅଲିମ୍ପିକ୍ସର ସ୍ୱର୍ଣ୍ଣ ପଦକ ହାସଲକାରୀ ଗ୍ରେସିଆ ପୋଲି ମଧ୍ୟ ଅଛନ୍ତି । ସିନ୍ଧୁଙ୍କୁ ମେ’ରେ ଆଇଓସିର ‘ବିଲିଭ ଇନ ସ୍ପୋର୍ଟ୍ସ’ ଅଭିଯାନ ପାଇଁ ଆଥଲେଟ ଆୟୋଗରେ ଚୟନ କରାଯାଇଛି ।
