ବିଶ୍ୱ ଟେଷ୍ଟ ଚମ୍ପିଅନସିପକୁ ଘେରିଲା କଳା ବାଦଲ

ସାଉଥହମ୍ପଟନ(ଓଡିଶା ସ୍ପୋର୍ଟର୍ସ): ବିଶ୍ୱ ଟେଷ୍ଟ ଚମ୍ପିଅନସିପର ଫାଇନାଲ ମ୍ୟାଚକୁ ଢାଙ୍କିଛି ବର୍ଷାର କଳାବାଦଲ । ଫାଇନାଲ ମ୍ୟାଚର ଆଗାମୀ ଭବିଷ୍ୟତକୁ ନେଇ ସୃଷ୍ଟି ହୋଇଛି ଆଶଙ୍କା । ଆଜି ଏହି ଫାଇନାଲ ମ୍ୟାଚର ଆରମ୍ଭ ହେବାକୁ ଥିବା ବେଳେ ଏହାର ପ୍ରଥମ ସେସନକୁ ଧୋଇ ନେଇଛି ବର୍ଷା । ପ୍ରବଳ ବର୍ଷା ଯୋଗୁଁ ମ୍ୟାଚ ପାଇଁ ଟସ ମଧ୍ୟ ପଡିପାରି ନାହିଁ । ତେବେ କେବଳ ଆଜି ନୁହେଁ ଆସନ୍ତା କିଛି ଦିନ ପର୍ଯ୍ୟନ୍ତ ଏଠାରେ ବର୍ଷାର ସମ୍ଭାବନା ରହିଥିବାର ବ୍ରିଟିଶ ସରକାର ପୂର୍ବାନୁମାନ କରିଛି । ଯାହାଫଳରେ କଣ ହେବ ଏହି ଐତିହାସିକ ମ୍ୟାଚର ଫଳାଫଳ ଏ ନେଇ ଉଠିଛି ପ୍ରଶ୍ନ । ଯଦିଓ ଜୁନ ୨୩ ତାରିଖକୁ ରିଜର୍ଭ ଡେ ଭାବେ ରଖାଯାଇଛି, ସେଦିନ ମଧ୍ୟ ବର୍ଷା ହେବାର ସମ୍ଭାବନା ରହିଥିବା ସୂଚନା ମିଳିଛି । ଏହାପରେ ଚିନ୍ତାରେ ପଡିଛନ୍ତି ଆୟୋଜକ ଏବଂ ଆଇସିସି । ତେବେ ମ୍ୟାଚ ବାତିଲ ହେଲେ ଉକ୍ଟୟ ଭାରତ ଏବଂ ନ୍ୟୁଜିଲ୍ୟାଣ୍ଡକୁ ଯୁଗ୍ମ ବିଜେତା ଭାବେ ଘୋଷଣା କରାଯିବ । ସୂଚନା ଥାଉକି, ଗତ ୨୦୧୩ ମସିହାରେ ଭାରତ ଶେଷ ଥର ପାଇଁ ଭାରଥ ମହେନ୍ଦ୍ର ସିଂ ଧୋନୀଙ୍କ ଅଧିନାୟକତ୍ୱରେ କୌଣସି ଆଇସିସି ଟ୍ରଫି ଜିତିଥିଲା ।