ବିଶ୍ୱକପ ୨୦୨୩ ପରେ ଭାରତୀୟ ଟିମର ପ୍ରଦର୍ଶନକୁ ରିଭ୍ୟୁ କରିବା ପରେ ବିସିସିଆଇ ଅଧିକାରୀ ଏକ ବୈଠକ ଡାକିଛନ୍ତି । ଏହି ବୈଠକରେ ଭବିଷ୍ୟତରେ ହେବାକୁ ଥିବା ବିଭିନ୍ନ କାର୍ଯ୍ୟକ୍ରମକୁ ନେଇ କଥାବାର୍ତ୍ତା ହୋଇଛି । ଏହି ବୈଠକରେ ରୋହିତ ଶର୍ମା ଏବଂ ରାହୁଲ ଦ୍ରାବିଡଙ୍କୁ ନେଇ ଆଲୋଚନା କରାଯାଇଥିଲା । ଏହା ପରେ ରୋହିତ ଶର୍ମା ବିସିସିଆଇ ଅଧିକାରୀଙ୍କୁ ଆଗାମୀ ଟି୨୦ ବିଶ୍ୱକପରେ ଖେଳିବାକୁ ନେଇ କହିଛନ୍ତି ।
ଖବର ମୁତାବକ, ରୋହିତ ବୋର୍ଡ ମେମ୍ବର୍ସଙ୍କୁ କହିଛନ୍ତି, ଯଦି ଆପଣ ଟି-୨୦ ବିଶ୍ୱକପ ପାଇଁ ମୋତେ ଚୟନ କରିବାକୁ ଚାହୁଁଛନ୍ତି, ତେବେ ଆଜିଠାରୁ କହିଦିଅନ୍ତୁ । ବୈଠକରେ ଥିବା ସମସ୍ତ ଅଧିକାରୀ, ଚୟନକର୍ତ୍ତା ଏବଂ କୋଚ୍ ରାହୁଲ ଦ୍ରାବିଡ ଏକମତ ଭାବେ ରୋହିତଙ୍କୁ ଟି୨୦ ବିଶ୍ୱକପ ଦାୟିତ୍ୱ ଦେବାକୁ ଚାହୁଁଛନ୍ତି । ଚୟନକର୍ତ୍ତା ଟିମ୍ ରୋହିତ ଦକ୍ଷିଣ ଆଫ୍ରିକା ଟି୨୦ ସିରିଜ ଦାୟିତ୍ୱ ନିଅନ୍ତୁ ବୋଲି ଚାହୁଁଥିଲେ । ରୋହିତ କିଛିଦିନ ପାଇଁ ବ୍ରେକ ମାଗିଛନ୍ତି ।
