ଡେରାଡୁନ : ଦୁର୍ଘଟଣାର ଶୀକାର ହୋଇଛନ୍ତିି ଭାରତୀୟ କ୍ରିକେଟର ରୁଷଭ ପନ୍ତ । ଗତକାଲି ଦିଲ୍ଲୀ-ଡେରାଡୁନ ରାସ୍ତାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଆହତ ହୋଇ ଚିକିତ୍ସିତ ହୋଉଛନ୍ତି ପନ୍ତ । ଆସନ୍ତା ୬ ମାସ ପର୍ଯ୍ୟନ୍ତ ଫିଲ୍ଡକୁ ଓହ୍ଲାଇ ପାରିବେ ନାହିଁ ରୁଷଭ । ଏହି କାରଣରୁ ଭାରତୀୟ କ୍ରିକେଟ ଦଳର ଆଗାମୀ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜ୍ ଓ ଆଇପିଏଲ ୨୦୨୩ରୁ ସେ ବାଦ ପଡ଼ିବାର ସମ୍ଭାବନା ରହିଛି । ରୁଷଭ ପନ୍ତଙ୍କ ମୁଣ୍ଡରେ ଆଘାତ ଲାଗିଥିଲେ ବି ବେଶି କ୍ଷତି ହୋଇନାହିଁ । କିନ୍ତୁ ତାଙ୍କ ପିଠି ଏବଂ ଆଣ୍ଠରେୁ ଅଧିକ ଆଘାତ ଲାଗିଛି । ସେଥିରୁ ସୁସ୍ଥ ହେବକୁ ହେଲେ ୬ ମାସ ଲାଗିବ ବୋଲି ଡାକ୍ତରମାନେ କହିଛନ୍ତି । ଆସନ୍ତା ଫେବ୍ରୁଆରି ମାସରେ ଭାରତରେ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜ ଆରମ୍ଭ ହେବ । ପ୍ରଥମ ଟେଷ୍ଟ ଫେବ୍ରୁଆରି ୯ରୁ ନାଗପୁରରେ ଆରମ୍ଭ ହେବ। ସେହିପରି ମାର୍ଚ୍ଚ ଶେଷ ବେଳକୁ ଆଇପିଏଲ ଆରମ୍ଭ ହେବ । ଏହି ସମୟ ବେଳକୁ ପନ୍ତ ଆରୋଗ୍ୟ ଲାଭ କରିବାର ସମ୍ଭାବନା କମ ବୋଲି କୁହାଯାଉଛି ।
୬ ମାସ ଯାଏଁ ପଡିଆକୁ ଓହ୍ଲାଇବେ ନାହିଁ ରୁଷଭ
