ନିଜ ଦେଶରେ ବିଶ୍ୱର ସବୁଠାରୁ ବଡ ଟି -୨୦ ଲିଗ୍ ପ୍ରତିଷ୍ଠା କରିବ ସାଉଦି ଆରବ

ମୁମ୍ବାଇ: ଇଣ୍ଡିଆନ୍ ପ୍ରିମିୟର ଲିଗ୍ ହେଉଛି ଦୁନିଆର ସବୁଠାରୁ ପ୍ରିୟ ଲିଗ୍, ଯେଉଁଥିରେ ଅନେକ ଯୁବ ଖେଳାଳି ପ୍ରତିବର୍ଷ ଅଂଶଗ୍ରହଣ କରନ୍ତି ଏବଂ ସେମାନଙ୍କର ଦୃଢ଼ ପ୍ରଦର୍ଶନ ହେତୁ ସେମାନେ ସମଗ୍ର ବିଶ୍ୱରେ ଏକ ଭିନ୍ନ ପରିଚୟ ସୃଷ୍ଟି କରନ୍ତି । ଏହି ଲିଗ୍ ର ବଢ଼ିଥିବା ଲୋକପ୍ରିୟତାକୁ ଦେଖି ଗତ କିଛି ବର୍ଷ ମଧ୍ୟରେ ୱେଷ୍ଟଇଣ୍ଡିଜ୍, ବାଂଲାଦେଶ ଏବଂ ପାକିସ୍ଥାନ ପରି ଦେଶରେ ଫ୍ରାଞ୍ଚାଇଜି ଲିଗ୍ ଆରମ୍ଭ ହୋଇଛି, ଯେଉଁଥିରେ ଫ୍ରାଞ୍ଚାଇଜିମାନେ ଭଲ ପ୍ରତିକ୍ରିୟା ପାଇଛନ୍ତି। ଏହି ପର୍ୟ୍ୟାୟରେ, ସାଉଦି ଆରବ ବିଶ୍ୱର ସବୁଠାରୁ ଧନୀ ଟି -୨୦ ଲିଗ୍ ଆରମ୍ଭ କରିବାକୁ ଯୋଜନା କରୁଛି। ଗଣମାଧ୍ୟମର ରିପୋର୍ଟ ଅନୁଯାୟୀ, ସାଉଦି ଆରବ ଆଇପିଏଲ ମାଲିକମାନଙ୍କୁ ନିଜ ଦେଶରେ ବିଶ୍ୱର ସବୁଠାରୁ ଧନୀ ଟି -୨୦ ଲିଗ୍ ପ୍ରତିଷ୍ଠା କରିବାକୁ ପ୍ରସ୍ତାବ ଦେଇଛି। ଆମେ ଆପଣଙ୍କୁ କହିବୁ ଯେ ବର୍ତ୍ତମାନ ପର୍ୟ୍ୟନ୍ତ ବିସିସିଆଇ ଭାରତୀୟ ଖେଳାଳିଙ୍କୁ ବିଦେଶୀ ଲିଗରେ ଖେଳିବାକୁ ଅନୁମତି ଦିଏ ନାହିଁ, କିନ୍ତୁ ଅବସର ପରେ ଭାରତୀୟ ଖେଳାଳିମାନେ ବିଦେଶୀ ଲିଗରେ ଅଂଶଗ୍ରହଣ କରିପାରବେ ।
ଆଇପିଏଲଠୁ ବି ବଡ଼ ଲିଗ୍ କରିବାକୁ ସାଉଦି ଆରବ ନଜର ରଖିଛି
ବାସ୍ତବରେ, ଦି ଏଜ୍ର ଏକ ରିପୋର୍ଟ ଅନୁଯାୟୀ, ପ୍ରାୟ ଏକ ବର୍ଷ ଧରି ସାଉଦି ଆରବ ଲିଗ୍ ବିଷୟରେ ଆଲୋଚନା ଚାଲିଛି ଏବଂ ଗଲ୍ଫରେ ଗଠନ ହେବାକୁ ଥିବା କୌ ଣସି ସମ୍ଭାବ୍ୟ ଲିଗ୍ ଆଇସିସି, ଅଷ୍ଟ୍ରେଲିଆ ଏବଂ ଅନ୍ୟାନ୍ୟ ଦେଶ ଦ୍ୱାରା ମଞ୍ଜୁରୀ ଦେବାକୁ ପଡିବ। ଗତ ଏକ ବର୍ଷ ଧରି ସାଉଦି କ୍ରୀଡା ବିଭାଗରେ ବହୁ ବିନିଯୋଗ କରୁଛି। ସାଉଦି ଆରବ ସରକାର ଖଓଠ ଗଲ୍ଫରେ ବିପୁଳ ପରିମାଣର ପୁଞ୍ଜି ବିନିଯୋଗ କରି ଏହାକୁ ଆରମ୍ଭ କରିଥିଲେ ଜ୍ଝ ଏହା ବ୍ୟତୀତ ଫୁଟବଲ ଏବଂ ଫର୍ମୁଲା ୧ ଭଳି ଅନ୍ୟ କ୍ରୀଡା ପରେ ସାଉଦି ଆଖି ଏବେ କ୍ରିକେଟ୍ ଉପରେ ରହିଛି। ନିକଟରେ ଆଇସିସି ଅଧ୍ୟକ୍ଷ ଗ୍ରେଗ ବାରକଲେ ସାଉଦି ଆରବର କ୍ରିକେଟ୍ ପ୍ରତି ଆଗ୍ରହକୁ ନିଶ୍ଚିତ କରିଛନ୍ତି।