ନୂଆଦିଲ୍ଲୀ: ପିଭି ସିନ୍ଧୁଙ୍କ ବଡ଼ ଧରଣର ଅବନତି ପରିଲକ୍ଷିତ ହୋଇଛି । ପ୍ରକାଶିତ ବିଶ୍ବ ମାନ୍ୟତାରେ ସିନ୍ଧୁ ୫ ସ୍ଥାନରୁ ଖସି ୧୭ତମ ସ୍ଥାନରେ ପହଞ୍ଚିଛନ୍ତି। ତେବେ ରାଜ୍ୟଗୋଷ୍ଠୀ କ୍ରୀଡ଼ା ସମୟରେ ୨ ନମ୍ବର ମାନ୍ୟତା ପାଇଥିବା ସିନ୍ଧୁଙ୍କ ଗୋଇଠିରେ ଆଘାତ ଲାଗିବାରୁ ସେ ୫ ମାସ ଧରି ଖେଳଠୁ ଦୂରରେ ଥିଲେ। ସୁସ୍ଥ ହୋଇ ଫେରିବା ପରଠୁ ପ୍ରତିଯୋଗିତାରେ ତିଷ୍ଠି ରହିବା ପାଇଁ ସଂଘର୍ଷ କରୁଛନ୍ତି ସିନ୍ଧୁ। ମାଦ୍ରିଦ୍ ମାଷ୍ଟର୍ସରେ ସେ ଫାଇନାଲ୍ରେ ପହଞ୍ଚି ଚଳିତ ଋତୁରେ ଶ୍ରେଷ୍ଠ ପ୍ରଦର୍ଶନ ଦେଇଥିଲେ। ମାଲେସିଆ ମାଷ୍ଟର୍ସ ଓ କାନାଡା ଓପନରେ ସେମିଫାଇନଲ୍ ପର୍ୟ୍ୟନ୍ତ ଯାଇଥିଲେ ବି ୟୁଏସ୍ ଓପନର କ୍ବାର୍ଟରଫାଇନାଲ୍ରୁ ବିଦାୟ ନେଇଥିଲେ। ଯାହାଫଳରେ ୧୦ ବର୍ଷ ପରେ ପୁଣି ଥରେ ତାଙ୍କର ସର୍ବନିମ୍ନ ମାନ୍ୟତାକୁ ସେ ଖସିଆସିଛନ୍ତି।
ମାନ୍ୟତାର ତଳକୁ ଖସିଲେ ସିନ୍ଧୁ
