ମୁମ୍ବାଇ: ଗାଭାସ୍କର କହିଛନ୍ତି ଧୋନୀ ହେଉଛନ୍ତି ଭାରତର ଶ୍ରେଷ୍ଠ ଅଧିନାୟକ । ସେ କହିଛନ୍ତି ଯେ ଧୋନୀଙ୍କ ପରି ଅଧିନାୟକ କେହି ନାହାନ୍ତି, କି ଆଗକୁ ଆସିବେ ନାହିଁ । ଗାଭାସ୍କର ନିଜ ବୟାନରେ କହିଛନ୍ତି କେବଳ ଧୋନିଙ୍କୁ ଜଣା ପରିସ୍ଥିକିକୁ କିପରି ସାମ୍ନା କରାଯାଏ । ସେଥିପାଇଁ ‘ଚେନ୍ନାଇ ସୁପର କିଙ୍ଗ୍’ କଠିନ ପରିସ୍ଥିତିର ସାମ୍ନାକରି ବାହାରକୁ ଆସିପାରିଛି । ଇତିହାସର ଶ୍ରେଷ୍ଠ ଅଧିନାୟକ ବୋଲି କହିଛନ୍ତି । ଧୋନୀଙ୍କୁ ନେଇ ଏପରି କହିବା ସହ ଭାବପ୍ରବଣ ହୋଇପଡିଛନ୍ତି ପୂର୍ବତନ ଭାରତୀୟ କ୍ରିକେଟ ତାରକା ସୁନୀଲ ଗାଭାସ୍କର।
ନିକଟରେ ଚେନ୍ନାଇ ସୁପର କିଙ୍ଗର ଅଧିନାୟକ ଭାବେ ଧୋନି ୨୦୦ ମ୍ୟାଚ ଖେଳିଛନ୍ତି । ୪୧ ବର୍ଷୀୟ ଧୋନୀ ଇତିହାସର ପ୍ରଥମ ଖେଳାଳି ଯିଏକି ଏହି ରେକର୍ଡ ସୃଷ୍ଟି କରିଛନ୍ତି । ମହେନ୍ଦ୍ର ସିଂ ଧୋନୀ ଭାରତୀୟ ଦଳ ଓ ଆଇପିଏଲର ସବୁଠାରୁ ସଫଳ ଅଧିନାୟକ । ୪ଥର ଆଇପିଏଲ ଟ୍ରଫି ନିକ ନାମକୁ କରିଛନ୍ତି ।୨୦୧୬ ଏବଂ ୨୦୧୭ ଆଇପିଏଲ ଚେନ୍ନାଇକୁ ପ୍ରତିବନ୍ଦ ଲାଗିବାରୁ ଧୋନିଙ୍କୁ ଅନ୍ୟ ଦଳରେ ଖେଲିବାକୁ ପଡିଥିଲା ।ଏମଏସ ଧୋନି ୨୦୦୭ରେ ଟି-୨୦ ବିଶ୍ୱ କପ ଜିତାଇଛନ୍ତି । ସେ ୯୦ ଟି ଟେଷ୍ଟରେ ୪୮୭୬ ରନ୍ ସ୍କୋର କରିଛନ୍ତି । ଧୋନି ୩୫୦ ଟି ଦିନିକିଆରେ ୧୦୭୭୩ ରନ୍ ସଂଗ୍ରହ କରିଥିବାବେଳେ ୯୮ଟି ଟି-୨୦ ରେ ୧୬୧୭ ରନ୍ କରିଛନ୍ତି । ଏହି ସମୟରେ, ଆଇପିଏଲ୍ ର ୨୩୮ ମ୍ୟାଚରେ ୫୦୩୬ ରନ୍ କରିଛନ୍ତି । ଧୋନି ମଧ୍ୟ ଦିନିକିଆରେ ଗୋଟିଏ ୱିକେଟ୍ ନେଇଛନ୍ତି ।
