ଢେଙ୍କାନାଳ : ଆଜିଠାରୁ ଢେଙ୍କାନାଳ ଷ୍ଟାଡିୟମରେ ଆରମ୍ଭ ହୋଇଛି ୪ର୍ଥ ରାଜ୍ୟ ଆଦିବାସୀ ତୀରନ୍ଦାଜୀ ପ୍ରତିଯୋଗିତା । ରାଜ୍ୟ ତୀରନ୍ଦାଜ ସଂଘ, ଜିଲ୍ଲା ତୀରନ୍ଦାଜଏବଂ ଜିଲ୍ଲା କ୍ରୀଡ଼ା ବିଭାଗ ର ମିଳିତ ସହଯୋଗରେ ଆୟୋଜିତ ଏହି ରାଜ୍ୟସ୍ତରୀୟ ପ୍ରତିଯୋଗିତାରେ ୩୦୦ ପ୍ରତିଯୋଗୀ ଅଂଶଗ୍ରହଣ କରିବେ। ସେଥିଲାଗି ଶେଷ ହୋଇଛି ପ୍ରସ୍ତୁତ । ରାଜ୍ୟ ତୀରନ୍ଦାଜ ସଂଘ ସମ୍ପାଦକ ସମ୍ପୂର୍ଣ୍ଣାନନ୍ଦ ଦାସଙ୍କ ନେତୃତ୍ୱରେ ଏକ ଟେକ୍ନିକାଲ ଟିମ୍ ଷ୍ଟାଡିୟମ୍ରେ ଚୂଡ଼ାନ୍ତ ସମୀକ୍ଷା କରିଛନ୍ତି । ଏହି ପ୍ରତି ଯୋଗିତାରେ ବୌଦ୍ଧ, ଗଞ୍ଜାମ, ସମ୍ବଲପୁର, ଢେଙ୍କାନାଳ, ବଲାଙ୍ଗୀର, କିସ୍ ସ୍ପୋର୍ଟସ୍ ହଷ୍ଟେଲ, କୋରାପୁଟ, କଳାହାଣ୍ଡି, ନୂଆପଡ଼ା, ମୟୂରଭଞ୍ଜ, କୋରାପୁଟ ହାଲ୍, ସୁନ୍ଦରଗଡ଼ ଓ ସ୍ପୋର୍ଟସ ହଷ୍ଟେଲ୍ ଅଂଶଗ୍ରହଣ କରିଛନ୍ତି। ଇଣ୍ଡିଆନ, ରିକର, କମ୍ପାଉଣ୍ଡ ଆଦି ୩ଟି ରାଉଣ୍ଡରେ ପ୍ରତିଯୋଗିତା ଅନୁଷ୍ଠିତ ହେବ । ମିନି, ସବ୍ଜୁନିୟର, ଜୁନିୟର, ସିନିୟର ବିଭାଗରେ ଉଭୟ ବାଳିକା ଓ ବାଳକ ବର୍ଗର କ୍ରୀଡ଼ାବିତ୍ ଦକ୍ଷତା ଦେଖାଇବେ। ଶୁକ୍ରବାର ଅପରାହ୍ନ ୩ଟାରେ ଏହାର ଉଦଘାଟନୀ ସମାରୋହ ଧାର୍ୟ୍ୟ କରାଯାଇଛି। ସେହିପରି ୧୧ ତାରିଖରେ ଉଦଯାପନୀ ସମାରୋହ ଅନୁଷ୍ଠିତ ହେବ।
