ନୂଆଦିଲ୍ଲୀ: ଚଳିତ ଦୀପାବଳିରେ ଫ୍ୟାନ୍ସ ମାନଙ୍କୁ ବାଣ ନ ଫୁଟାଇବାକୁ ପରାମର୍ଶ ଦେଇ ଅଡ଼ୁଆରେ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି । ଏପରି କଲା ପରେ ତାଙ୍କୁ ସୋସିୟାଲ ମିଡିଆରେ ତୀବ୍ର ଭାବେ ଟ୍ରୋଲିଂ ର ଶିକାର ହେବାକୁ ପଡ଼ିଛି । ତାଙ୍କୁ ଟ୍ରୋଲ କରି ଦୁବାଇରେ ହୋଇଥିବା ଆତସବାଜିର ଭିଡିଓ ଭାଇରାଲ କରାଯାଇଥିଲା ।
କୋହଲି ବର୍ତ୍ତମାନ କୋହଲି ପୁଣି ଥରେ ଟ୍ରୋଲର୍ସଙ୍କ ଟାର୍ଗେଟକୁ ଆସିଛନ୍ତି । ଏପରି ହେବାର ମୂଖ୍ୟ କାରଣ ହୋଉଚି ରୟାଲ ଚ୍ୟାଲେଞ୍ଜର୍ସ ବ୍ୟାଙ୍ଗାଳୁରୁ ର ଖେଳାଳି ଶିବମ ଦୁବେ ବାଣ ଫୁଟାଇ ଦୀପାବଳି ପାଳନ କରିଥିବାର ଫଟୋ ଭାଇରାଲ ହେଇଛି । ଉକ୍ତ ଫଟୋ ଭାଇରାଲ ହେଲା ପରେ ସୋସିୟାଲ ମିଡିୟା ୟୁଜରମାନେ ତାଙ୍କୁ ଟ୍ରୋଲ କରିବା ଆରମ୍ଭ କରିଦେଇଥିଲେ ।
ଜଣେ ଫ୍ୟାନ୍ ଲେଖିଛନ୍ତି ଯେ, ଏହି କାରଣରୁ ଆରସିବି ଟ୍ରଫି ଜିତିପାରୁ ନାହିଁ । କାରଣ ଅଧିନାୟକଙ୍କ କଥା କେହି ଶୁଣୁ ନାହାଁନ୍ତି ।
ସେହିପରି ଆଉ ଜଣେ ଯୁଜର ଲେଖିଛନ୍ତି ଯେ, କୋହଲି ଦୁବେଙ୍କୁ ଅନଫଲୋ କରିଦେଇଛନ୍ତି ।
ଏତତ୍ ବ୍ୟତୀତ ଆଉଜଣେ ଫ୍ୟାନ୍ ଲେଖିଛନ୍ତି ଯେ, ଆସନ୍ତା ବର୍ଷ ଶିବମ ଆରସିବିରେ ସାମିଲ ହେବେ ନାହିଁ । କୋହଲି ବାଣ ଫୁଟାଇବାକୁ ମନା କରୁଛନ୍ତି କିନ୍ତୁ ତାଙ୍କ ଫେଭରେଟ୍ ଅଲରାଉଣ୍ଡର ବାଣ ଫୁଟାଉଥିବା ଆଉ ଜଣେ ଫ୍ୟାନ୍ ଲେଖିଛନ୍ତି ।
