(ଓଡିଶା ସ୍ପୋର୍ଟସ): ଅଷ୍ଟ୍ରେଲିଆ ଓପନର ନବମ ଦିନରେ ମହିଳାମାନଙ୍କ ଦୁଇଟି କ୍ୱାଟର ଫାଇନାଲ୍ ମୁକାବିଲା ଖେଳାଯାଇଛି । ବିଶ୍ୱର ନଂ୧ ଖେଳାଳି ଏଶ୍ଲେ ବାର୍ଟିଙ୍କୁ କ୍ୱାଟରଫାଇନାଲରେ ପେତ୍ରା କ୍ୱିତୋବାଙ୍କ ବିପକ୍ଷରେ ବିଜୟ ପାଇଁ ପ୍ରଥମ ସେଟରେ ତାଙ୍କ ଟିକିଏ ପ୍ରରିଶ୍ରମ କରିବାକୁ ପଡିଥô୍ଲା, କିନ୍ତୁ ଏହା ପରେ ସେ ଜବରଦସ୍ତ ପ୍ରଦର୍ଶନ କରି ବାଜି ମାରି ନେଇଥିଲେ । ବାର୍ଟି ଦୁଇଥର ୱିମ୍ବିଲଣ୍ଡନ୍ ଚମ୍ପିଆନ କ୍ୱିତୋଭାଙ୍କୁ ସିଧା ସେଟରେ ୭-୬(୬), ୬-୨ରେ ପରାସ୍ତ କରି ପ୍ରଥମଥର ଅଷ୍ଟ୍ରେଲିଆ ଓପନର ସେମିଫାଇନାଲରେ ପହଁଞ୍ଚିବାରେ ସଫଳ ହୋଇଥିଲେ । ଏହା ସହିତ ସେ ୩୬ ବର୍ଷ ବୟଷରେ ନିଜ ଘରୋଇ ଗ୍ରାଣ୍ଡ ସ୍ଲାମ୍ ର ସେମିଫାଇନାଲରେ ପହଁଞ୍ଚିଥିବା ପ୍ରଥମ ଅଷ୍ଟ୍ରେଲିଆ ମହିଳା ଖେଳାଳି ମଧ୍ୟ ହୋଇଛନ୍ତି । ଏବେ ସେମିଫାଇନାଲରେ ବାର୍ଟିଙ୍କ ସାମମ୍ନା ଆମେରିକାର ୨୧ବର୍ଷିୟ ଖେଳାଳି ସୋଫିଆ କେନିନଙ୍କ ସହିତ ହେବ ।
ଏହା ପୂର୍ବରୁ ଦିନର ପ୍ରଥମ ମୁକାବିଲାରେ ଆମେରିକାର ୨୧ ବର୍ଷିୟ ଖେଳାଳି ସୋଫିଆ କେନିନ୍ ନିଜର ଭଲ ଫାର୍ମ ଜାରି ରଖି କ୍ୱାଟର ଫାଇନାଲରେ ବିଜୟ ହାସଲ କରିନେଇଛନ୍ତି । ମଙ୍ଗଳବାର ଦିନ ଖେଳାଯାଇଥିବା ମୁକାବିଲାରେ ୧୪ତମ ସ୍ଥାନରେ ଥିବା କେନିନ୍ ଟ୍ୟୁନିସିୟାର ଓନଓ ଜେବୁରଙ୍କୁ ସିଧା ସେଟ୍ ୬-୪, ୬-୪ରେ ପରାସ୍ତ କରିଛନ୍ତି ।
