(ଓଡ଼ିଶା ସ୍ପୋର୍ଟସ): ହାଇଦ୍ରାବାଦରେ ଡ଼ିସେମ୍ବର ୪ରୁ ଭାରତ ଓ ଇଣ୍ଡିଜ ମଧ୍ୟରେ ଟି-୨୦ ମ୍ୟାଚ ଖେଳାଯିବ । କିନ୍ତୁ ବ୍ୟାଟସମ୍ୟାନ ଶିଖର ଧାୱନ ୱେଷ୍ଟଇଣ୍ଡିଜ ବିରୋଧରେ ଖେଳାଯିବାକୁ ଥିବା ମ୍ୟାଚରୁ ବାଦ ପଡ଼ିଛନ୍ତି । ତାଙ୍କ ସ୍ଥାନରେ ସଞ୍ଜୁ ସାମସନଙ୍କୁ ସୁଯୋଗ ମିଳିବ ବୋଲି କୁହାଯାଉଛି ।
ଧାୱନଙ୍କୁ ସୟଦ ମୁସ୍ତାକ ଅଲ୍ଲୀ ଟ୍ରଫିରେ ମହାରାଷ୍ଟ୍ର ବିରୋଧରେ ଏକ ମ୍ୟାଚରେ ଆଣ୍ଠୁରେ ଆଘାତ ଲାଗିଥିଲା । ସେହି ସମୟରେ ସେ ୪ରୁ ୫ଦିନ ମଧ୍ୟରେ ଫିଟ୍ ହେବେ ବୋଲି କୁହାଯାଇଥିଲା । ଏହି ସମୟରେ ସଞ୍ଜୁ ସାମସନଙ୍କୁ ସିରିଜ ପାଇଁ ଚୟନ କରାଯାଇଥିଲା । ତାଙ୍କୁ ବାଂଲାଦେଶ ବିରୋଧରେ ଟି୨୦ରେ ମଧ୍ୟ ସାମିଲ କରାଯାଇଥିଲା । କିନ୍ତୁ ସେ ଗୋଟିଏ ହେଲେ ମ୍ୟାଚ ଖେଳିପାରି ନଥିଲେ । ସ୍ପୋର୍ଟଷ୍ଟାରର ତଥ୍ୟାନୁସାରେ, ୩୩ ବର୍ଷିୟ ଧାୱନଙ୍କୁ ରନ ନେବା ବେଳେ ଆଣ୍ଠୁରେ ଆଘାତ ଲାଗିଥିଲା । ପରେ ତାଙ୍କୁ ହସ୍ପିଟାଲରେ ଭର୍ତି କରାଯାଇଥିଲା । ଏପରିକି ରକ୍ତ ବାହାରିବା ପରେ ଷ୍ଟିଚ୍ ପଡିଥିଲା ।
