ଭିଜା ସମସ୍ୟା କାରଣରୁ ଏକାମ୍ର ସ୍ପୋଟରସ୍ ଲିଟେରାରି ଫେଷ୍ଟିଭାଲରେ ଜଣ।।ଣୁଣା କ୍ରୀଡ଼ା ଲେଖକ ଓ କ୍ରୀଡ଼ାବିତଙ୍କୁ ମିଶାଇ ୩ ଜଣ ଯୋଗ ଦେବା ନେଇ ଆଶଙ୍କା ସୃଷ୍ଟି ହୋଇଛି । ଆଣ୍ଡ୍ର୍ୟୁ ଡୋଓ୍ବିନ, ରିଚାର୍ଡ ମୁର ଓ ଓ୍ବାସିମ ଆକ୍ରମଙ୍କ କ୍ଷେତ୍ରରେ ଏହି ସମସ୍ୟା ଦେଖାଦେଇଛି।
ଏମାନଙ୍କ ମଧ୍ୟରୁ ଦୁଇଜଣ ଦୁଇଥର ଭିଜା ପାଇଁ ଆବେଦନ କରିଥିଲେ ମଧ୍ୟ ତାହା ଫଳପ୍ରଦ ହୋଇନାହିଁ। ଗାର୍ଡିଆନ କ୍ରୀଡ଼ା ଖବରଦାତା ବ୍ରାଜିଲର ଆଣ୍ଡ୍ର୍ୟୁ ଡୋଓ୍ବିନ ଓ ସ୍କଟଲାଣ୍ଡ ବରିଷ୍ଠ ପତ୍ରକାର ରିଚାର୍ଡ ମୁରଙ୍କୁ ଭିଜା ମିଳିନାହିଁ। ଦ୍ୱିତୀୟଥର ପାଇଁ ଆବେଦନ କରିଥିଲେ ମଧ୍ୟ କୌଣସି ଫଳ ମିଳିନାହିଁ। ଏହି ଦୁଇ ଅନ୍ତର୍ଜାତୀୟ ଖ୍ୟାତିସମ୍ପନ୍ନ ବ୍ୟକ୍ତିଙ୍କୁ ଭିଜା ନ ମିଳିବା ଆମକୁ ଚକିତ କରିଛି ବୋଲି ସନ୍ଦୀପ କହିଛନ୍ତି ।
ମୁର ହେଉଛନ୍ତି ବିଶ୍ୱର ଜଣେ ଜଣାଶୁଣା କ୍ରୀଡ଼ା ଲେଖକ। ସେ କିମ୍ବଦନ୍ତୀ ଧାବକ ଉସେନ ବୋଲ୍ଟଙ୍କ ଆତ୍ମଜୀବନୀ ଲେଖିଛନ୍ତି। ସେହିପରି ଡୋଓ୍ବିନ ବ୍ରାଜିଲ କିମ୍ବଦନ୍ତୀ ଫୁଟବଲର ସକ୍ରେଟିସଙ୍କ ଜୀବନ ଓ କ୍ୟାରିୟରକୁ ନେଇ ‘ଡକ୍ଟର ସକ୍ରେଟିସ’ ଲେଖିଛନ୍ତି। । ଏହି ଉତ୍ସବ ଏକ ଅଣ ରାଜନୈତିକ ହୋଇଥିଲେ ମଧ୍ୟ ଏମାନଙ୍କୁ ଏପର୍ୟ୍ୟନ୍ତ ଭିଜା ନ ମିଳିବା ଦୁର୍ଭାଗ୍ୟଜନକ ବୋଲି ସନ୍ଦୀପ କହିଛନ୍ତି । ଏ ସଂକ୍ରାନ୍ତରେ ବିଭାଗୀୟ କର୍ତ୍ତୃପକ୍ଷଙ୍କ ସହ ବରାବର ଯୋଗାଯୋଗ ରକ୍ଷା କରିଆସୁଥିଲେ ମଧ୍ୟ କୌଣସି ଫଳ ମିଳିନାହିଁ। ଏଭଳି ମାନ୍ୟଗଣ୍ୟ ବ୍ୟକ୍ତିଙ୍କୁ ଭିଜା କାହିଁକି ମିଳିନାହିଁ ସେ ନେଇ ଆମେ କିଛ ବୁଝିପାରିନାହୁଁ । ପୁଣି କର୍ତ୍ତୁପକ୍ଷ ମଧ୍ୟ ଏ ନେଇ ଆମକୁ କୌଣସି ସ୍ପଷ୍ଟିକରଣ ଦେଇ ନାହାନ୍ତି। ମୁର୍ ଆସି ନ ପାରିଲେ କାର୍ୟ୍ୟକ୍ରମକୁ ବେନ୍ ଜନସନ ସମ୍ଭାଳିନେବେ। ମାତ୍ର ଡୋଓ୍ବିନ ନ ଆସିଲେ ଏହି ସେସନ ପାଇଁ ଆମେ ଭିନ୍ନ କାର୍ୟ୍ୟସୂଚୀ ସ୍ଥିର କରିବୁ ବୋଲି ସେ ପ୍ରକାଶ କରିଛନ୍ତି।ଅପରପକ୍ଷରେ ପାକିସ୍ତାନ କିମ୍ବଦନ୍ତୀ ଦ୍ରୁତ ବୋଲର ଓ୍ବାସିମ ଆକ୍ରମ ମଧ୍ୟ ଏହି ଉତ୍ସବରେ ଯୋଗ ନ ଦେବାର ସମ୍ଭାବନା ସୃଷ୍ଟି ହୋଇଛି। ଏହି ଉତ୍ସବରେ ଅଂଶଗ୍ରହଣ କରିବାକୁ ଇଛା ଥିଲେ ମଧ୍ୟ ବିଭିନ୍ନ ବ୍ୟକ୍ତିଗତ ସମସ୍ୟା କାରଣରୁ ପାକିସ୍ତାନ ସରକାର ତାଙ୍କୁ ଅନୁମତି ଦେଇନାହାନ୍ତି।
