(ଓଡିଶା ସ୍ପୋର୍ଟସ): ଭାରତୀୟ ସନ୍ତରଣକାରୀ କୁଶାଗ୍ର ରାୱତ ୧୦ତମ ଏସିଆ ଯୁବ ବର୍ଗ ସନ୍ତରଣ ଚମ୍ପିଆନସିପ୍ ପ୍ରଥମ ଦିନରେ ବ୍ୟକ୍ତିଗତ ବିଭାଗରେ ଦୁଇଟି ସ୍ୱର୍ଣ୍ଣ ପଦକ ହାସଲ କରିଛନ୍ତି । ରାୱତ ପୁରୁଷ ୨୦୦ ମିଟର ଫ୍ରିଷ୍ଟାଇଲ ବିଭାଗରେ ୧ ମିନିଟ୍ ୫୨.୩୦ ସେକେଣ୍ଡ ସମୟ ସହିତ ସ୍ୱର୍ଣ୍ଣ ପଦ୍ ହାସଲ କରିଛନ୍ତି । ଭାରତର ଆନନ୍ଦ ଅନିଲ କୁମାର ୧ ମିନିଟ୍ ୫୪.୧୯ ସେକେଣ୍ଡ ସମୟ ନେଇ ତୃତୀୟ ସ୍ଥାନରେ ରହିଛନ୍ତି । ସିରିଆର ଅବ୍ୱାସ ଉମର ରାୱତଙ୍କ ଠାରୁ କିଛି ସେକେଣ୍ଡ୍ ପଛରେ ରହି ରୌପ୍ୟ ପଦକ ହାସଲ କରିଛନ୍ତି ।
ସେ ଏହା ସହିତ ୮୦୦ମିଟର ଫ୍ରିଷ୍ଟାଇଲ ଟୁର୍ଣ୍ଣାମେଣ୍ଟରେ ୮ ମିନିଟ୍ ୧୦.୦୫ ସେକେଣ୍ଡ ସମୟ ନେଇ ସ୍ୱର୍ଣ୍ଣ ପଦକ ହାସଲ କରିଛନ୍ତି । ଚୀନ ତାଇପେର ଚାଙ୍ଗ୍ ଚେଙ୍ଗ୍ ଲିଭେଇ ଦ୍ୱିତୀୟ ଏବଂ ଉମର ତୃତୀୟ ସ୍ଥାନରେ ରହିଛନ୍ତି । ଶସୱାନ ଗାଙ୍ଗୁଲି ବାଳକ ବର୍ଗର ଗ୍ରୁପ୍ ଦୁଇରେ ସ୍ୱର୍ଣ୍ଣ ପଦକ ହାସଲ କରିଛନ୍ତି ।
ଚାରିଗୁଣା ୧୦୦ ମିଟର ଫ୍ରିଷ୍ଟାଇଲ୍ ରିଲେ ରେ ରୌପ୍ୟ ପଦକ ଜିତିଥିବା ଭାରତୀୟ ଟିମ୍ ଅଂଶ ଥିଲେ । ଶ୍ରୀହରି ନଟରାଜ ଏବଂ ମାନା ପଟେଲ ଏହା ପରେ ୫୦ ମିଟର ଟୁର୍ଣ୍ଣାମେଣ୍ଟରେ ଭଲ ପ୍ରଦର୍ଶନ କରି ପ୍ରଥମ ଦିନରେ ଭାରତର ସ୍ୱର୍ଣ୍ଣ ପଦକ ସଂଖ୍ୟା ୬ରେ ପହଞ୍ଚିଛି । ଶ୍ରୀହରି ପୁରୁଷ ବର୍ଗରେ ୨୫.୩୦ ସେକେଣ୍ଡ୍ ର ସମୟ ନେଇଥିଲେ ଯେତେବେଳେ କି ମହିଳା ବିଭାଗରେ ମାନା ୨୯.୯୨ ମିନିଟ୍ ସମୟ ନେଇଥିଲେ । ଭାରତର ଶିର୍ଷ ସ୍ଥାନରେ ଥିବା ସନ୍ତରଣକାରି ସଜନ ପ୍ରକାଶ ୨୦୦ ମିଟର ବ୍ୟକ୍ତିଗତ ଟୁର୍ଣ୍ଣାମେଣ୍ଟରେ ରୌପ୍ୟ ପଦକ ହାସଲ କରିଛନ୍ତି । ଲିକତ୍ ସେଲଭରାଜ ୧୦୦ ମିଟର ବ୍ରେକ୍ଷ୍ଟ୍ରୋକ୍ ରେ ବ୍ରୋଞ୍ଜ ପଦକ ହାସଲ କରିଛନ୍ତି । ୧୦୦ ମିଟର ପୁରୁଷ ଫ୍ରି-ଷ୍ଟାଇଲରେ ସ୍ୱର୍ଣ୍ଣ ପଦକ ହାସଲ କରିନେଇଛନ୍ତି ।
