(ଓଡ଼ିଶା ସ୍ପୋର୍ଟସ) : ଟି – ଟ୍ୱେଣ୍ଟି କ୍ରିକେଟରେ ଆଉ ଏକ ରେକର୍ଡ଼ର ଅଧିକାରୀ ହୋଇଛନ୍ତି ଟିମ୍ ଇଣ୍ଡିଆର ଓପନର ରୋହିତ ଶର୍ମା । ସେ ସର୍ବାଧିକ ଛକା ମାରିବାର ରେକର୍ଡ଼ ନିଜ ନାମରେ କରିଛନ୍ତି । ୱେଷ୍ଟଇଣ୍ଡିଜ୍ ବିପକ୍ଷ ଦ୍ୱିତୀୟ ଟି ଟ୍ୱେଣ୍ଟିରେ ୩ ଟି ଛକା ମାରି ସେ େଓ୍ଷ୍ଟ ଇଣ୍ଡିଜ୍ କ୍ରିସ ଗେଲଙ୍କ ରେକର୍ଡ଼ ଭଙ୍ଗ କରିଛନ୍ତି । ରୋହିତ ୯୬ ଟି ମ୍ୟାଚ୍ ଖେଳି ସର୍ବାଧିକ ୧୦୭ ଛକା ସହ ନୂଆ କୀର୍ତ୍ତିମାନ ସ୍ଥାପନ କରିଛନ୍ତି । ପୂର୍ବରୁ ଗେଲ୍ଙ୍କ ନାମରେ ସର୍ବାଧିକ ଛକା ରେକର୍ଡ଼ ରହିଥିଲା ।
ସେ ୫୮ ଟି ମ୍ୟାଚ୍ରୁ ୧୦୫ ଟି ଛକା ମାରିଥିଲେ । ସର୍ବାଧିକ ଛକା ତାଲିକାରେ ନ୍ୟୁଜିଲାଣ୍ଡର ମାର୍ଟିନ ଗୁପତିଲ , ତୃତୀୟ ଓ କଲିନ ମନରୋ, ଚତୁର୍ଥ ସ୍ଥାନରେ ରହିଛନ୍ତି । ଗେଲଙ୍କ ଛକା ରେକର୍ଡ଼ ସହ ରୋହିତ ଟିମ୍ ଇଣ୍ଡିଆ ଅଧିନାୟକ ବିରାଟ କୋହିଲଙ୍କ ରେକର୍ଡ଼ ଭଙ୍ଗ କରିଛନ୍ତି । ଅନ୍ୟ ପଟରେ ରୋହିତ ୧୭ ଟି ଅର୍ଦ୍ଧଶତକ ଓ ୪ଟି ଶତକ ହାସଲ କରିଛନ୍ତି ।