(ଓଡିଶା ସ୍ପୋର୍ଟ): ମହିଳା ତୀରନ୍ଦାଜ୍ ହୀନା ସିଦ୍ଧୁ ଓ ଅଙ୍କୁର ମିତ୍ତଲଙ୍କୁ ପ୍ରତିଷ୍ଠିତ ରାଜୀବ ଗାନ୍ଧୀ ଖେଳରତ୍ନ ଦେବା ପାଇଁ କ୍ରୀଡା ମନ୍ତ୍ରାଳୟକୁ ସୁପାରିଶ କରିଛି ଭାରତୀୟ ରାଷ୍ଟ୍ରୀୟ ରାଇଫଲ୍ସ ସଂଘ । ବର୍ତ୍ତମାନ ସୁଦ୍ଧା ଖେଳରତ୍ନ ପାଇଁ ୪ ଜଣଙ୍କ ନାଁ ସୁପାରିଶ ହୋଇସାରିଛି । କୁସ୍ତି ସଂଘ ମଧ୍ୟ ବିନେଶ ଫୋଗାଟ ଓ ବଜରଙ୍ଗ ପୁନିଆଙ୍କ ନାଁ ଖେଳରତ୍ନ ପାଇଁ କ୍ରୀଡା ମନ୍ତ୍ରାଳୟକୁ ସୁପାରିଶ କରିଛି । ଅନ୍ୟପଟେ ଜସପାଲ ରାଣା ଓ ରୌନକ ପଣ୍ଡିତଙ୍କ ନାଁ ଦ୍ରୋଣାଚାର୍ଯ୍ୟ ଆୱାର୍ଡ ପାଇଁ ସୁପାରିଶ କରାଯାଇଛି ।
ଏସିଆନ୍ ଚାମ୍ପିୟନସିପରେ କାଂସ୍ୟ ପଦକ ବିଜେତା ହୀନା ୨୦୧୩ରେ ଆଇଏସଏସଏଫ ବିଶ୍ୱକପ ଫାଇନାଲର ୧୦ ମିଟର ଏୟାର ପିସ୍ତଲ ବିଭାଗରେ ପ୍ରଥମ ଭାରତୀୟ ଭାବେ ସ୍ୱର୍ଣ୍ଣ ପଦକ ହାସଲ କରିଥିଲେ । ୨୫ ମିଟର ଏୟାର ପିସ୍ତଲ ପ୍ରତିଯୋଗିତାରେ ସ୍ୱର୍ଣ୍ଣ ପଦକ ମଧ୍ୟ ହାସଲ କରିଛନ୍ତି । ୨୦୧୪ରେ ତାଙ୍କୁ ପ୍ରତିଷ୍ଠିତ ଅର୍ଜୁନ ଆୱାର୍ଡରେ ସମ୍ମାନିତ କରାଯାଇଥିଲା ।
ଅନ୍ୟପଟେ ଅଙ୍କୁର ଠାକୁର୍ ୨୦୧୮ରେ ଦକ୍ଷିଣ କୋରିଆର ଚାଙ୍ଗବୋନରେ ହୋଇଥିବା ଆଇଏସଏସଏଫ ବିଶ୍ୱ ତୀରନ୍ଦାଜ ଚାମ୍ପିୟନସିପ୍ରେ ଡବଲ ଟ୍ରାପ ବିଭାଗରେ ସ୍ୱର୍ଣ୍ଣ ପଦକ ହାସଲ କରିଥିଲେ । ଗତବର୍ଷ ତାଙ୍କୁ ଅର୍ଜୁନ ଆୱାର୍ଡ ପାଇଁ ଚୟନ କରାଯାଇଥିଲା ।
