ପିଟି ଉଷାଙ୍କୁ ଭେଟରାନ୍ ପିନ୍ ଆୱାର୍ଡ଼

(ଓଡିଶାସ୍ପୋର୍ଟ୍ସ): ଅଲମ୍ପିୟାନ ପିଟି ଉଷାଙ୍କୁ ଅନ୍ତର୍ଜାତୀୟ ଆଥଲେଟିକ ସଂଘର ସମ୍ମାନଜନକ ଭେଟରାନ୍ ପିନ୍ ଆୱାର୍ଡ଼ ମିଳିଛି । ଦୋହାରେ ଆୟୋଜିତ ୫୨ତମ ଆଇଏଏଏଫ୍ କନଫରେନ୍ସରେ ଯୋଗଦେଇ ଉଷା ଏହି ସମ୍ମାନ ଗ୍ରହଣ କରିଛନ୍ତି।
ଉଷା ଟ୍ୱିଟ କରି କହିଛନ୍ତି, “ମୋତେ ସମ୍ମାନଜନକ ଭେଟରାନ ପିନ୍ ଆୱର୍ଡ ମିଳିଥିବାରୁ ମୁଁ ଆଇଏଏଏଫ୍ ଓ ସଭାପତି ସେବାଷ୍ଟିଆନ୍ କୋଇଙ୍କୁ ଧନ୍ୟବାଦ ଜଣାଉଛି। ଆମ ଦେଶରେ ଆଥଲେଟକ୍ସର ଅଭିବୃଦ୍ଧି ପାଇଁ ମୁଁ ନିୟମିତ କାର୍ୟ୍ୟ କରି ଚାଲିବି।”
୧୯୮୪ରେ ଲସ୍ ଆଞ୍ଜେଲ ଅଲମ୍ପିକରେ ପିଟି ୪୦୦ ମିଟର ଦୌଡ଼ରେ ଭାଗ ନେଇଥିଲେ। ମାତ୍ର ୧/୧୦୦ ସେକେଣ୍ଡ ପାଇଁ ବ୍ରୋଞ୍ଜ ପଦକ ପାଇବାରୁ ବଞ୍ଚିତ ହୋଇଥିଲେ। ୧୯୮୩ରେ ଅର୍ଜୁନ ଆୱର୍ଡ ପାଇଁ ଥିବା ଉଷା ୧୯୮୫ରେ ପଦ୍ମଶ୍ରୀ ସମ୍ମାନରେ ସମ୍ମାନିତ ହୋଇଥିଲେ।