(ଓଡିଶା ସ୍ପୋର୍ଟସ୍): ଭାରତୀୟ ପୁରୁଷ ଚେସ ଦଳ ଏସୀୟ ଅନ୍ଲାଇନ୍ ନେସନ୍ସ (ଆଞ୍ଚଳିକ) କପ୍ ଦଳ ଚାମ୍ପିଅନସିପ୍ ର ପ୍ରାରମ୍ଭିକ ରାଉଣ୍ଡରେ ଷଷ୍ଠ ସ୍ଥାନ ସହ କ୍ୱାର୍ଟର ଫାଇନାଲରେ ପ୍ରବେଶ କରିଛି । ଶୀର୍ଷ ସିଡ୍ ଭାରତୀୟ ଦଳ ପାଇଁ ରବିବାର ଏକ ମିଶ୍ରିତ ଦିନ ଥିଲା । ସେ ଗୋଟିଏ ମ୍ୟାଚ୍ ଜିତିଥିଲେ, ଗୋଟିଏ ଡ୍ର ଖେଳି ଗୋଟିଏ ହାରିଥିଲେ । ଦଳ ବର୍ତ୍ତମାନ ୨୩ ଅକ୍ଟୋବରରେ ଅନ୍ତିମ ଆଠଟି ପର୍ୟ୍ୟାୟରେ ମୋଙ୍ଗୋଲିଆ ଖେଳିବ ।
ସପ୍ତମ ରାଉଣ୍ଡରେ ସୂର୍ୟ୍ୟ ସେଖର ଗାଙ୍ଗୁଲିଙ୍କ ନେତୃତ୍ୱାଧୀନ ଭାରତୀୟ ଦଳ ଫିଲିପାଇନ୍ସକୁ ୧.୫-୨.୫ ରେ ହରାଇଥିଲା । ଏହି ଦଳ ବାଂଲାଦେଶକୁ ୩.୫–୦.୫ ପରାସ୍ତ କରି ଅଷ୍ଟ୍ରେଲିଆଠାରୁ ୨-୨ ଡ୍ର ଖେଳିଛି । ଇରାନ ଦଳ ୧୫ ପଏଣ୍ଟ ସହ ପ୍ରାଥମିକ ରାଉଣ୍ଡରେ ଶୀର୍ଷରେ ରହିଛି । ଫିଲିପାଇନ୍ସ ଦ୍ୱିତୀୟ ଏବଂ ମୋଙ୍ଗୋଲିଆ ତୃତୀୟ ସ୍ଥାନ ଅଧିକାର କରିଛି । ଏହି ଟୁର୍ନାମେଣ୍ଟର ଫାଇନାଲ ୨୫ ଅକ୍ଟୋବରରେ ଖେଳାଯିବ ।
