ଶୁଭମନ ଗିଲଙ୍କ ବିକଳ୍ପକୁ ନା

ମୁମ୍ବାଇ(ଓଡିଶା ସ୍ପୋର୍ଟସ): ଇଂଲଣ୍ଡ ବିପକ୍ଷରେ ଟେଷ୍ଟ ସିରିଜ ଖେଳିବା ପୂର୍ବରୁ ଆହତ ହୋଇଛନ୍ତି ଟିମ ଇଣ୍ଡିଆର ଯୁବ ଓପନର ଶୁଭମନ ଗିଲ । ତେଣୁ ତାଙ୍କ ବିକଳ୍ପକୁ ନେଇ ଚାଲିଥିବା ଚର୍ଚ୍ଚା ଉପରେ ଏବେ ପୂର୍ଣ୍ଣଚ୍ଛେଦ ପଡିଛି । କେଉଁ ଖେଳାଳୀଭ୍କୁ ତାଙ୍କ ସ୍ତାନରେ ଇଂଲଣ୍ଡ ପଠାଯିବ ସେ ନେଇ ବହୁତ ଆଲୋଚନା ଏବଂ ପର୍ଯ୍ୟାଲୋଚନା ପରେ ଏବେ ଏହାର ଅନ୍ତ ଘଟାଇ ବିସିସଆଇ ତାର ନିଷ୍ପତ୍ତି ଜଣାଇଛି । କୌଣସି ଖେଳଳୀଙ୍କୁ ଗିଲଙ୍କ ବଦଳରେ ଇଂଲଣ୍ଡପଠାଯିବ ନାହିଁ ବୋଲି ସ୍ପଷ୍ଟ କରିଛି ବିସିସିଆଇ । ଏ ନେଇ ଟିମ ମ୍ୟାନେଜମେଣ୍ଟ ଏବଂ ଅଧିନାୟକ ବିରାଟ କୋହଲୀଙ୍କୁ ଜଣାଇଛି ବିସିସିଆଇ ।
ଇଂଲଣ୍ଡ ଗସ୍ତରେ ଥିବା ୨୩ ଜଣ ସଦସ୍ୟଙ୍କ ମଧ୍ୟରୁ ଜଣଙ୍କୁ ଗିଲଙକ ସ୍ଥାନରେ ଖେଳାଇବା ପାଇଁ ବିସିସିଆଇ ବିରାଟ ଆଣ୍ଡ କୋଙ୍କୁ ନିର୍ଦ୍ଦେଶ ଦେଇଛି । ତେବେ ଗିଲ ଆହତ ହେବା ପରେ ତାଙ୍କ ବଦଳରେ ପୃଥ୍ୱୀ ଶ’ଙ୍କୁ ଇଂଲଣ୍ଡ ପଠାଇବା ପାଇଁ ଆଲୋଚନାକୁ ଆସିଥିଲା । ତେବେ ଏଥିରେ ବିଭିନ୍ନ ଦ୍ୱନ୍ଦ୍ୱ ପରିସ୍ଥିତି ସୃଷ୍ଟି ହେବାରୁ ବିସିସିଆଇ ଏପରି ଏକ କଠୋର ନିଷ୍ପତ୍ତି ନେଇଥିବା କୁହାଯାଉଛି । ୨୩ ଜଣିଆ ସ୍କ୍ୱାଡ ମଧ୍ୟରୁ ୧୧ ଜଣଙ୍କୁ ଚଡାନ୍ତ ଏକାଦଶରେ ସାମିଲ କରିବାକୁ ଟିମ ମ୍ୟାନେଜମେଣ୍ଟକୁ କହିଛି ବିସିସିଆଇ । ତେବେ ଏପରି ହେଲେ ସ୍କ୍ୱାଡରେ ସାମିଲ ଥିବା ମୟଙ୍କ ଅଗରୱାଲ ଓପନର ଦାୟିତ୍ୱ ତୁଲାଇବା ପାଇଁ ଅଧିକ ଦାବିଦାରୀ ହୋଇଛନ୍ତି । ଇଂଲଣ୍ଡ ବିରୁଦ୍ଧରେ ମୟଙ୍କୁ ରୋହିତ ଶର୍ମାଙ୍କ ସହିତ ପାଳି ଆରମ୍ଭ କରିବାର ସୁଯୋଗ ମିଳିବାର ଯଥେଷ୍ଟ ସମ୍ଭାବନା ରହିଛି ।