ଆଇପିଏଲ୍ ୨୦୨୩ରେ ଆଜି ମୁହାଁ ମୁହିଁ ହେବ ଚେନ୍ନାଇ ସୁପରକିଙ୍ଗସ ଓ ଲକ୍ଷ୍ନୌ ସୁପରଜିଆଣ୍ଟସ

ଚାଲିଛି ଚଳିତ ବର୍ଷର ଆଇପିଏଲ୍ ୨୦୨୩ । ତେଣୁ ଆଜି ମୁହାଁମୁହିଁ ହେବାକୁ ଯାଉଛନ୍ତି ଚେନ୍ନାଇ ସୁପରକିଙ୍ଗସ ଏବଂ ଲକ୍ଷ୍ନୌ ସୁପରଜିଆଣ୍ଟସ ।ଦୁଇ ଦଳରୁ ଧୋନି ଏବଂ କେଏଲ୍ ରାହୁଲ ଆଜି ମଇଦାନରେ ପରସ୍ପରକୁ ଟକ୍କର ଦେବେ । ଚେପାକ୍ ଷ୍ଟାଡିୟମରେ ଖେଳାଯିବ ଏହି ମ୍ୟାଚ୍ । ୪ ବର୍ଷ ପରେ ଚେନ୍ନାଇ ଟିମ ନିଜ ଘରୋଇ ମଇଦାନରେ ଖେଳିବ । ଗୁଜରାଟ ଟାଇଟନ୍ସ ଠାରୁ ହାରିବାର ପ୍ରତିଶୋଧ ନେବ ଚେନ୍ନାଇ । ଏପଟେ ଲକ୍ଷ୍ନୌ ଟିମ ଜିତ ବଜାୟ ରଖିବାକୁ ଚେଷ୍ଟା କରିବ । ଲକ୍ଷ୍ନୌ ଟିମ୍ ପ୍ରଥମ ମ୍ୟାଚରେ ଦିଲ୍ଲୀକୁ ୫୦ ରନରେ ହରାଇଥିଲା । ତେଣୁ ଦୁଇଟି ଯାକ ଟିମ ମଧ୍ୟରେ ରୋମାଞ୍ଚକ ମ୍ୟାଚ୍ ଦେଖିବାକୁ ମିଳିବ । ତେବେ ଲକ୍ଷ୍ନୌ ଗତବର୍ଷ ଆଇପିଏଲ୍ରେ ସାମିଲ ହୋଇଥିବାରୁ ଚେନ୍ନାଇ ସହିତ ମାତ୍ର ଗୋଟେ ମ୍ୟାଚ୍ ଖେଳିଛି ଲକ୍ଷ୍ନୌ ।