୨୦୨୬ ଟି-୨୦ ବିଶ୍ୱକପ୍ ପାଇଁ ଆଉ ଗୋଟିଏ ମାସରୁ କମ୍ ସମୟ ବାକି ଥିବା ବେଳେ ଭାରତ ପାଇଁ ଏକ ବଡ଼ ଝଟକା, ଟି-୨୦ ଏସିଆ କପ୍ ଫାଇନାଲ୍ ହିରୋ ଏବଂ ମଧ୍ୟକ୍ରମ ବ୍ୟାଟ୍ସମ୍ୟାନ୍ ତିଲକ ବର୍ମାଙ୍କ ପେଟରେ ଆଘାତ ଲାଗିଛି, ଯାହା ତାଙ୍କୁ ତିନିରୁ ଚାରି ସପ୍ତାହ ପାଇଁ ବାସନ୍ଦ କରିପାରେ। ତିଲକ ନ୍ୟୁଜିଲ୍ୟାଣ୍ଡ ବିପକ୍ଷରେ ଟି-୨୦ ସିରିଜରେ ଖେଳିବାକୁ ଯାଉଛନ୍ତି ଏବଂ ଆସନ୍ତା ମାସରେ ହେବାକୁ ଥିବା ମେଗା ଇଭେଣ୍ଟରୁ ମଧ୍ୟ ବଞ୍ଚିତ ହେବାର ଆଶଙ୍କା ରହିଛି। ଟି୨୦ ସ୍କ୍ବାର୍ଡର ଷ୍ଟାର ବ୍ୟାଟର ତିଳକ ବର୍ମାଙ୍କୁ ବିଜୟ ହଜାରେ ଟ୍ରଫିରେ ଆଘାତ ଲାଗିଛି । ଯାହାପରେ ତାଙ୍କର ସର୍ଜରୀ କରାଯାଇଛି । ବିଜୟ ହଜାରେ ଟ୍ରଫିରେ ହାଇଦ୍ରାବାଦ ପାଇଁ ଅଧିନାୟକତ୍ବ କରୁଥିଲେ ତିଳକ ବର୍ମା ।
୨୩ ବର୍ଷୀୟ ବାମହାତୀ ଖେଳାଳି ବିଜୟ ହଜାରେ ଟ୍ରଫିରେ ହାଇଦ୍ରାବାଦର ପ୍ରତିନିଧିତ୍ୱ କରୁଥିବା ବେଳେ ରାଜକୋଟରେ ତୀବ୍ର ଯନ୍ତ୍ରଣା ହୋଇଥିଲା। ତାଙ୍କୁ ତୁରନ୍ତ ଗୋକୁଳ ହସ୍ପିଟାଲକୁ ନିଆଯାଇଥିଲା, ଡାକ୍ତରମାନେ ତୁରନ୍ତ ଅସ୍ତ୍ରୋପଚାର ପାଇଁ ପରାମର୍ଶ ଦେଇଥିଲେ। ଗତକାଲି ତିଲକଙ୍କର ସଫଳ ଅସ୍ତ୍ରୋପଚାର ହୋଇଥିଲା ଏବଂ ଏବେ ସେ ସୁସ୍ଥ ଅଛନ୍ତି। ତିଳକ ବର୍ମା ଏହି ଦୁଇଟି ଇଭେଣ୍ଟରେ ଟିମ୍ ଇଣ୍ଡିଆ ପାଇଁ ଗୁରୁତ୍ବପୂର୍ଣ୍ଣ ଖେଳାଳି । କିନ୍ତୁ ସର୍ଜରୀ ପରେ ଏବେ ତିଳକ ବର୍ମାଙ୍କ ଖେଳିବାକୁ ନେଇ ସସପେନ୍ସ ରହିଛି । ତେବେ ତିଳକ ୩/୪ ସପ୍ତାହ ଯାଏଁ ମଇଦାନରୁ ବାଦ୍ ପଡିପାରନ୍ତି । ଭାରତ-ନ୍ୟୁଜିଲାଣ୍ଡ ଟି୨୦ ସିରିଜ ପାଇଁ ୨୧ ଫେବ୍ଆରୀରୁ ଆରମ୍ଭ ହେବ । ପ୍ରଥମ ଟି୨୦ ନାଗପୁରରେ ଖେଳାଯିବ । ଦ୍ବିତୀୟ ଟି୨୦ ରାୟପୁରରେ ୨୩ ଜାନୁଆରୀରେ ଖେଳାଯିବ । ୨୬ ଜାନୁଆରୀ ୩ୟ ଟି୨୦ ଗୁଆହାଟୀରେ ହେବ । ଚତୁର୍ଥ ଟି୨୦ ୨୮ ଜାନୁଆରୀରେ ଖେଳାଯିବ । ୩୧ ଜାନୁଆରୀରେ ଶେଷ ମ୍ୟାଚ୍ ଟି୨୦ ଥିରୁଅନନ୍ତପୁରମରେ ଖେଳାଯିବ ।
