ପାକିସ୍ତାନ ବିପକ୍ଷରେ ଟି-୨୦ ବିଶ୍ୱକପ୍ ମ୍ୟାଚ୍ ନେଇ ଚାଲିଥିବା ବିତର୍କ ମଧ୍ୟରେ, ଭାରତୀୟ ଅଧିନାୟକ ସୂର୍ୟ୍ୟକୁମାର ଯାଦବ ଟିମ୍ ଇଣ୍ଡିଆର ମତ ସ୍ପଷ୍ଟ କରିଛନ୍ତି। ଆଜି ମୁମ୍ବାଇରେ, ସୂର୍ୟ୍ୟ କହିଥିଲେ ଯେ ଭାରତ ମ୍ୟାଚ୍ ଖେଳିବ। ଯଦି ବିପକ୍ଷ ଦଳ ଖେଳିବାକୁ ଚାହୁଁନାହିଁ, ତେବେ ଏହା ସେମାନଙ୍କର ପସନ୍ଦ। ଏପଟେ ଟି-୨୦ ବିଶ୍ୱକପ୍ ଫେବୃଆରୀ ୭ରୁ ଆରମ୍ଭ ହେବାକୁ ଯାଉଛି। ଟିମ୍ ଇଣ୍ଡିଆ ଫେବୃଆରୀ ୧୫ରେ କଲମ୍ବୋରେ ପାକିସ୍ତାନ ସହିତ ମୁକାବିଲା କରିବାର କାର୍ୟ୍ୟକ୍ରମ ରହିଛି, କିନ୍ତୁ ପାକିସ୍ତାନ ସରକାର ଏହି ମ୍ୟାଚ୍ ବୟକଟ ଘୋଷଣା କରିଛନ୍ତି।
