(ଓଡିଶା ସ୍ପୋର୍ଟସ୍): ବିଶ୍ୱର ନମ୍ବର ୱାନ ଭାରତୀୟ ସୁଟର ଏଲାଭେନିଲ ଭାଲାରିଭାନ (୬୨୭.୫ ପଏଣ୍ଟ) ରବିବାର ଦିନ ଶେଖ ରସେଲ ଅନ୍ତର୍ଜାତୀୟ ଏୟାର ରାଇଫଲ ଚାମ୍ପିଅନସିପରେ ସ୍ୱର୍ଣ୍ଣ ଏବଂ ଶାହ ତୁଷାର ମନେ (୬୨୩.୮ ପଏଣ୍ଟ) ନେଇଛନ୍ତି । ବାଂଲାଦେଶ ଶୁଟିଂ ସ୍ପୋର୍ଟସ ଫେଡେରେଶନ (ବିଏସଏସଏଫ) ଦ୍ୱାରା ଏହି ପ୍ରତିଯୋଗିତା ଅନଲାଇନରେ ଆୟୋଜିତ ହୋଇଥିଲା । ଏହି ୬୦ ଟି ସଟ୍ ପ୍ରତିଯୋଗିତାରେ ୬ଟି ଦେଶର ସୁଟର ଅଂଶଗ୍ରହଣ କରିଥିଲେ ।
ଏଲାଭେନିଲ ବ୍ୟତୀତ ଜାପାନର ଶିଓରି ହିରାଟା ରୌପ୍ୟ ଏବଂ ଇଣ୍ଡୋନେସିଆର ବିଦ୍ୟା ତୋଇବା ବ୍ରୋଞ୍ଜ ଜିତିଛନ୍ତି । ପୁରୁଷ ସ୍ୱର୍ଣ୍ଣକୁ ଜାପାନର ନୋୟା ଓକଡା (୬୩୦.୯ ପଏଣ୍ଟ) ଏବଂ ବାଂଲାଦେଶର ଅବଦୁଲ୍ଲା ହେଲ ବ୍ରୋଞ୍ଜ ପଦକ ଜିତିଛନ୍ତି ।
ବାଂଲାଦେଶ ପ୍ରତିଷ୍ଠାତା ଶେଖ ମୁଜିବୁର ରହମାନଙ୍କ ସାନପୁଅ ତଥା ପ୍ରଧାନମନ୍ତ୍ରୀ ଶେଖ ହସିନାଙ୍କ ଭାଇ ଶେଖ ରସେଲଙ୍କ ଜନ୍ମ ବାର୍ଷିକୀ ପାଳନ ପାଇଁ ଏହି ଚାମ୍ପିୟନଶିପ ଆୟୋଜନ କରାଯାଇଥିଲା । ମହିଳା ୧୦ ମିଟର ଏୟାର ରାଇଫଲରେ ଏଲେଭେନିଲ ହେଉଛି ବିଶ୍ୱର ଏକ ନମ୍ବର ସୁଟର । ତାଙ୍କର ପରୀକ୍ଷା ହେତୁ ସେ ନୂଆଦିଲ୍ଲୀରେ ଚାଲିଥିବା ଜାତୀୟ ଶିବିରରେ ଭାଗ ନେଇନଥିଲେ । ୧୮ ମାର୍ଚ୍ଚର ଜାତୀୟ ମାନ୍ୟତା ଆଧାରରେ ଶାହୁ ମନେଙ୍କୁ ଚୟନ କରାଯାଇଥିଲା ।
