କ୍ରୀଡାର ବିକାଶ ପାଇଁ ଅଣ୍ଟା ଭିଡିଲା ଆଳି ଆଥଲେଟିକ ଆସୋସିଏସନ

କେନ୍ଦ୍ରାପଡ଼ା / ଅଶ୍ୱିନୀ କୁମାର ସାହୁ: ଫୁଟବଲର ଏନ୍ତୁଡ଼ି ଶାଳ ଭାବେ ସମଗ୍ର ଭାରତ ବର୍ଷରେ ପରିଚୟ ସୃଷ୍ଟି କରିଥିବା ଆଳି ଅଞ୍ଚଳରେ କ୍ରୀଡାର ବିକାଶ ନିମନ୍ତେ ଅଣ୍ଟା ଭିଡ଼ିଛି ଆଳି ଆଥଲେଟିକ ଆସୋସିଏସନ । ଏହି ଅବସରରେ ଆଳି ଆଥଲେଟିକ ଆସୋସିଏସନର ସଭାପତି ପୂର୍ବତନ ବିଧାୟକ ଦେବେନ୍ଦ୍ର ଶର୍ମାଙ୍କ ଅଧକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ଶ୍ରୀ ଶର୍ମା ନିଜର ଅସୁସ୍ଥତା କାରଣରୁ ସଭାପତି ପଦରୁ ଇସ୍ତଫା ଦେଇ ଶକ୍ତି,ଶିଳ୍ପ ମନ୍ତ୍ରୀ ତଥା ଆଳିର ବିଧାୟକ ପ୍ରତାପ କେଶରୀ ଦେବଙ୍କୁ ସଭାପତି ଦାୟିତ୍ୱ ହସ୍ତାନ୍ତର କରିଥିଲେ । ଏହି ବୈଠକରେ ରାଜ୍ୟ ସରକାର ଯେଉଁଭଳି ଭାବେ କ୍ରୀଡାର ଭିତିଭୂମି ସଜାଡ଼ିବା ନିମନ୍ତେ ଉଦ୍ୟମ ଆରମ୍ଭ କରିଛନ୍ତି ତାହା କିପରି ଭାବେ ଆଳି ବ୍ଲକରେ କ୍ରୀଡାର ବିକାଶ କ୍ଷେତ୍ରରେ କିପରି ପରିବର୍ତ୍ତନ ଆସିବ ସେ ବିଷୟରେ ଆଲୋଚନା ହୋଇଥିଲା । ଏହି ଅବସରରେ ମିନି ଷ୍ଟାଡିୟମର ଏକ ନୁତନ ଗ୍ୟାଲେରୀ ନିର୍ମାଣ ନିମନ୍ତେ ମନ୍ତ୍ରୀ ପ୍ରତାପ କେଶରୀ ଦେବ ଶୁଭ ଦେଇଥିଲେ । ଏହି କାର୍ୟ୍ୟକ୍ରମରେ ପଞ୍ଚାୟତ ସମିତି ଅଧକ୍ଷ ମନୋରଞ୍ଜନ ସାମଲ, ଜିଲ୍ଲା ପରିଷଦ ଭୀଷ୍ମ ମହାନ୍ତିଙ୍କ ସମେତ ଆଳି ଆଥଲେଟିକ ଆସୋସିଏସନର ସଦସ୍ୟ ମାନେ ଉପସ୍ଥିତ ଥିଲେ ।