ଭାରତ -ୱେଷ୍ଟଇଣ୍ଡିଜ ମଧ୍ୟରେ ହେଉଥିବା ଟେଷ୍ଟ ସିରିଜର ଦ୍ୱିତୀୟ ମ୍ୟାଚରେ ଡେବ୍ୟୁ କରିଛନ୍ତି ବୋଲର ମୁକେଶ କୁମାର । ୨୯ ବର୍ଷୀୟ ମୁକେଶ ଭାରତୀୟ ଟେଷ୍ଟ ଟିମର ୩୦୮ ନଂ ଖେଳାଳି । ଟେଷ୍ଟ ପୂର୍ବରୁ ତାଙ୍କୁ ଟେଷ୍ଟ କ୍ୟାପ୍ ଦିଆଯାଇଥିଲା । ଅଶ୍ୱିନ ଏବଂ ମୁକେଶକୁ ଟେଷ୍ଟର କ୍ୟାପ୍ ପ୍ରଦାନ କରିଥିଲେ । ମୁକେଶ ଦ୍ରୁତ ବୋଲର ଶାର୍ଦ୍ଦୁଳ ଠାକୁରଙ୍କ ସ୍ଥାନରେ ସାମିଲ ହୋଇଥିଲେ ।
ଟେଷ୍ଟରେ ଡେବ୍ୟୁ କରିବା ପରେ ମୁକେଶ ପ୍ରଥମେ ନିଜ ମା’କୁ ଫୋନ କରିଥିଲେ । ମା’କୁ ଫୋନ କରି ଭାବୁକ ହୋଇପଡିଥିଲେ । ଆଉ ମା’ ସହିତ କଥା ହେବା ବେଳେ କାନ୍ଦିଥିଲେ । ବିସିସିଆଇ ମୁକେଶଙ୍କ ଭାବବିହ୍ଵଳ ଭିଡିଓ ସୋସିଆଲ ମିଡିଆରେ ପୋଷ୍ଟ କରିଛି ।
ବିସିସିଆଇ ସେୟାର କରିଥିବା ଭିଡିଓରେ ଶୁଣିବାକୁ ମିଳିଛି ଯେ, ମୋ ମା’ ସବୁବେଳେ ଖୁସି ରହିବାକୁ କହିଛନ୍ତି । ସେ କହିଥିଲା, ମୋ ଆଶୀର୍ବାଦ ତୋ ସହିତ ସବୁବେଳେ ରହିଛି । ତୁ ସବୁବେଳେ ଆଗକୁ ଯାଆ । ନିଜର ସ୍ୱପ୍ନ ପୂରଣ କର । ଭଲ ପ୍ରଦର୍ଶନ କରେ । ଏହା ତୋ ପାଇଁ ଗୁରୁତ୍ୱପୂର୍ଣ୍ଣ ।
ମା’ ତୁ ମୋ ପାଇଁ ଯେଉଁସବୁ ପୂଜା କରିଛୁ, ତା’ର ଫଳ ମୋତେ ମିଳିଛି । ଆଜି ଦେଶ ପାଇଁ ଖେଳିବାକୁ ସୁଯୋଗ ମିଳିଛି । ତୋ ଆଶୀର୍ବାଦ ମୋ ସହିତ ସବୁବେଳେ ରହିଛି । ବାପା ସବୁବେଳେ ମୁଁ ସରକାରୀ ଚାକିରି କରେ ବୋଲି ଚାହୁଁଥିଲେ କିନ୍ତୁ ତୁ ସୁବବେଳେ ମୋ ସ୍ୱପ୍ନକୁ ପୂରଣ କରିବାକୁ ଆଗେଇ ଆସିଥିଲୁ ।
