ଓଡ଼ିଆ ଭାଷାଭାଷୀଙ୍କ ପାଇଁ ଏକ ଅତ୍ୟନ୍ତ ଗର୍ବ ଓ ଆନନ୍ଦର ମୁହୂର୍ତ୍ତ ଆସିଛି ଫିଫା ବିଶ୍ୱକପ୍ ୨୦୨୬ ପାଇଁ । ଫିଫା ତା’ର ଇନଷ୍ଟାଗ୍ରାମ ପୋଷ୍ଟରେ ଜଣେ ଖେଳାଳିଙ୍କ କୌଶଳକୁ ବର୍ଣ୍ଣନା କରିବାକୁ ଯାଇ ଓଡ଼ିଆ ଶବ୍ଦ’ଯାଦୁକର’ ର ବ୍ୟବହାର କରିଛି । ଏହି ପୋଷ୍ଟଟି ସୋସିଆଲ୍ ମିଡ଼ିଆରେ ନିଆଁ ଭଳି ବ୍ୟାପିଯାଇଛି । ଓଡ଼ିଆ ଭାଷାର ଏକ ଶବ୍ଦକୁ ବିଶ୍ୱସ୍ତରୀୟ ମଞ୍ଚରେ ସ୍ଥାନ ମିଳିବା ଓଡ଼ିଆ ପ୍ରଶଂସକଙ୍କ ପାଇଁ ଏକ ବଡ଼ ସମ୍ମାନର ବିଷୟ ପାଲଟିଛି ।
ଫୁଟବଲ୍ ଭଳି ଏକ ବିଶ୍ୱବ୍ୟାପୀ କ୍ରୀଡ଼ା ମଞ୍ଚରେ ଓଡ଼ିଆ ଭାଷାର ଉପସ୍ଥିତି ଦର୍ଶାଉଛି ଯେ, ଓଡ଼ିଆ ଭାଷାର ମହତ୍ତ୍ୱ ଓ ଏହାର ଶବ୍ଦ ସମ୍ଭାର ଏବେ ଆନ୍ତର୍ଜାତୀୟ ସ୍ତରରେ ସ୍ୱୀକୃତି ପାଉଛି । ଫିଫାର ଏଭଳି ପଦକ୍ଷେପ ଓଡ଼ିଶାର ଲକ୍ଷ ଲକ୍ଷ ଫୁଟବଲ୍ ପ୍ରେମୀଙ୍କ ମଧ୍ୟରେ ଉତ୍ସାହ ସୃଷ୍ଟି କରିଛି ।
