ରୋହିତ ଶର୍ମା ଏବଂ ଜୟ ଶାହଙ୍କ ଉପସ୍ଥିତିରେ ଆଇସିସି ଟି୨୦ ବିଶ୍ୱକପ ପାଇଁ ଭାରତୀୟ ଦଳର ଜର୍ସି ଉନ୍ମୋଚନ

ମୁମ୍ବାଇ: ଆଇପିଏଲ ପରେ ଆଇସିସି ଟି୨୦ ବିଶ୍ୱକପ ଆରମ୍ଭ ହେବ । ଜୁନ ୨ ତାରିଖରୁ ଆରମ୍ଭ ହେବାକୁ ଥିବା ଏହି ଟୁର୍ଣ୍ଣାମେଣ୍ଟରେ ପୂର୍ବରୁ ଭାରତୀୟ ଟିମର ଜର୍ସି ଲଞ୍ଚ ହୋଇଛି । କ୍ୟାପ୍ଟେନ୍ ରୋହିତ ଶର୍ମା ଓ ବିସିସିଆଇ ସେକ୍ରେଟାରୀ ଜୟ ଶାହ ଟିମ୍ ଇଣ୍ଡିଆର ନୂଆ ଜର୍ସି ସହ ସମସ୍ତ କିଟ୍ ଉନ୍ମୋ ନଚନ କରିଛନ୍ତି। ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମ୍ ରେ ଆୟୋଜିତ କାର୍ୟ୍ୟକ୍ରମରେ ଟିମ୍ ଇଣ୍ଡିଆ କ୍ରିକେଟ୍ ପାଇଁ କିଟ ଗୁଡ଼ିକ ଉନ୍ମୋଚନ ହୋଇଥିଲା । ଏଥିରେ ଟ୍ରେନିଂ କିଟ୍, କୋଚିଂ ଷ୍ଟାଫ୍ କିଟ୍ ଓ ମୁଖ୍ୟ କିଟ୍ ରହିଛି । ଏହା ପୂର୍ବ ରୁ ଇଣ୍ଡିଆ ଜର୍ସି ନିର୍ମାତା ଆଡିଡାସ ସୋସିଆଲ୍ ମିଡିଆରରେ ଭିଡିଓ ପୋଷ୍ଟ କରି ନୂଆ ଜର୍ସିର ବିଷୟରେ ସୂଚନା ଦେଇଥିଲା । ଭିଡିଓରେ ରୋହିତହି ଶର୍ମା , କୁଲଦୀପ ଯାଦବ ଓ ରବିନ୍ଦ୍ର ଜାଡ଼େଜା ନୂଆ ଜର୍ସି ପିନ୍ଧିଥିବା ଦେଖିବାକୁ ମିଳିଥିଲା । ଆଜି ଅଫିସିଆଲି ଏହାର ଉନ୍ମୋଚନ ହୋଇଛି। ନୂଆ ଜର୍ସିରେ ଦୁଇ ହାତର ରଙ୍ଗ କମଳା ରଙ୍ଗର ହୋଇଥିବା ବେଳେ ଡ୍ରେସ୍ ରେ ଧଳା ଷ୍ଟ୍ରିପ୍ ପଡ଼ିଛି।
ତେବେ ଆସନ୍ତା ଜୁନ ୨ ତାରିଖରୁ ବିଶ୍ୱକପ ଆରମ୍ଭ ହେବାକୁ ଯାଉଥିବା ବେଳେ ଜୁନ ୫ ତାରିଖରେ ଭାରତ ତାର ପ୍ରଥମ ମ୍ୟାଚ ଖେଳିବ । ଏହି ପ୍ରତିଯୋଗତାରେ ୨୦ ଟି ଦଳ ସାମିଲ ହେଉଥିବା ବେଳେ ମୋଟ ୫୫ଟି ମ୍ୟାଚ ଖେଳାଯିବାର କାର୍ଯ୍ୟସୂଚି ରହିଛି ।