(ଆଦର୍ଶ ରାଉତ): ହକି ବିଶ୍ବକପ ସମୟରେ ବିଦେଶୀ ଖେଳାଳି ଓ ବିଦେଶୀଙ୍କ ସୁରକ୍ଷାକୁ ଅଧିକ ପ୍ରାଧାନ୍ୟ ଦିଆଯିବ। ବିଦେଶୀ ଖେଳାଳିଙ୍କ ପାଇଁ ୧୮୦ ଜଣ ଯବାନଙ୍କୁ ପିଏସ୍ଓ ଭାବେ ନିଯୁକ୍ତି ଦିଆଯିବ। ସେମାନେ ଦିନ ରାତି ୨୪ ଘଣ୍ଟା ସେମାନଙ୍କ ସହ ରହିବେ। ସେମାନଙ୍କୁ କମିସନରେଟ ପୁଲିସ ପକ୍ଷରୁ ମଧ୍ୟ ତାଲିମ ଦିଆସରିଛି। ସେମାନେ ବିଦେଶୀ ଖେଳାଳିଙ୍କୁ କେମିତି ବ୍ୟବହାର କରିବେ, କଥାବାର୍ତାରେ ଶାଳୀନତା ରଖିବେ, ମାର୍ଜିତ ବ୍ୟବହାର କରିବେ ଏ ସମ୍ପର୍କରେ ବୁଝାଇ ଦିଆଯାଇଛି। ବିମାନବନ୍ଦରଠାରୁ ପିଏସ୍ଓ ସେମାନଙ୍କ ସହିତ ରହିବେ। ପାକିସ୍ତାନ ଖେଳାଳିଙ୍କୁ ସ୍ବତନ୍ତ୍ର ଭାବେ ସୁରକ୍ଷା ଯୋଗାଇ ଦିଆଯିବ। ସେମାନଙ୍କୁ ପିଏସ୍ଓ ଯୋଗାଇ ଦିଆଯିବା ସହିତ ସ୍ବତନ୍ତ୍ର ଭାବେ ସେମାନଙ୍କ ଉପରେ ଗୁଇନ୍ଦା ବିଭାଗ ନଜର ରଖିବ ବୋଲି ପୁଲିସ କମିସନର୍ ସତ୍ୟଜିତ ମହାନ୍ତି ସୂଚନା ଦେଇଛନ୍ତି।
କଡା ସୁରକ୍ଷା ଭିତରେ ରହିବ କଳିଙ୍ଗ ଷ୍ଟାଡିୟମ
