ନୂଆଦିଲ୍ଲୀ: ବୋର୍ଡ ଅଫ କଣ୍ଟୋଲ ଫର କ୍ରିକେଟ ଇନ ଇଣ୍ଡିଆ(ବିସିସିଆଇ)ର ଅଧ୍ୟକ୍ଷ ସୌରଭ ଗାଙ୍ଗୁଲିଙ୍କୁ ମିଳିଛି ଆଉ ଏକ ନୂଆ ପଦବୀ । ଭାରତର ପୂର୍ବ ଅଧିନାୟକ ଅନିଲ କୁମ୍ବଲେଙ୍କ ସ୍ଥାନରେ ଏବେ ଆଇସିସିର ଚେୟରମ୍ୟାନ ଭାବେ ମନୋନୀତ ହୋଇଛନ୍ତି ଟିମ ଇଣ୍ଡିଆର ଦାଦା । ଏ ନେଇ ଆଇସିସି ତରଫରୁ ଘୋଷଣା କରାଯାଇଛି ।
ଅନିଲ କୁମ୍ବଲେଙ୍କ ତିନି ବର୍ଷର କାର୍ଯ୍ୟକାଳ ପରେ ତାଙ୍କର ଟିମମେଟ ତଥା ବିସିସିଆଇର ଅଧ୍ୟକ୍ଷ ସୌରଭ ଗାଙ୍ଗୁଲି ଏହି ଚେୟାରର ଶୋଭା ବଢାଇଛନ୍ତି । ଆସନ୍ତା ୩ ବର୍ଷ ପର୍ଯ୍ୟନ୍ତ ଗାଙ୍ଗୁଲି ଏହି ଦାୟିତ୍ୱ ତୁଲାଇବେ ବୋଲି ଆସିସି ସୂଚନା ଦେଇଛି । ଗାଙ୍ଗୁଲିଙ୍କର ଅଭିଜ୍ଞତା ଏବଂ ନେତୃତ୍ୱ କ୍ରିକେଟ ଭବିଷ୍ୟତକୁ ନେଇ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବା ପାଇଁ ସାହାଯ୍ୟ କରିବ ବୋଲି କହିଛନ୍ତି ଆଇସିସି ଚେୟାରମ୍ୟାନ ଗ୍ରେଗ ବାର୍ସଲେ । ଏଥିସହ ଅନିଲ କୁମ୍ବଲେଙ୍କୁ ତାଙ୍କର କାର୍ଯ୍ୟକାଳ ପାଇଁ ଧନ୍ୟବାଦ କରିଛନ୍ତି ।
