ଆସନ୍ତାକାଲିରୁ ଟିମ ଇଣ୍ଡିଆ ୱେଷ୍ଟଇଣ୍ଡିଜରେ ବିପକ୍ଷରେ ପ୍ରଥମ ମ୍ୟାଚ ଖେଳିବ । ଏଥିପାଇଁ ଟିମ ଇଣ୍ଡିଆ ଅଭ୍ୟାସ ମ୍ୟାଚ ଖେଳୁଛି । ଅଭ୍ୟାସ ମ୍ୟାଚର ଏକ ଫଟୋ ଅଲରାଉଣ୍ଡର ରବୀନ୍ଦ୍ର ଜାଡେଜା ନିଜ ଇନଷ୍ଟା ଷ୍ଟୋରୀରେ ସେୟାର କରିଛନ୍ତି ।ଯେଉଁଥିରେ ସେ ନିଜକୁ ଘୋଡା ଏବଂ ଅଶ୍ୱିନ-ଦ୍ରାବିଡଙ୍କୁ ଛେଳି ବୋଲି କହିଛନ୍ତି ।
ଜାଡେଜା ଯେଉଁ ଫଟୋ ସେୟାର କରିଛନ୍ତି, ସେଥିରେ ବାମ ହାତୀ ଅଫ ସ୍ପିନର ଅଶ୍ୱିନ ରହିଛନ୍ତି । ଆଉ ଟିମ୍ ଇଣ୍ଡିଆର ପୂର୍ବତନ ଖେଳାଳି ତଥା ବର୍ତ୍ତମାନର କୋଚ ରାହୁଲ ଦ୍ରାବିଡ ଦେଖିବାକୁ ମିଳିଛନ୍ତି । ଏହାର ଫଟୋକୁ ସେୟାର କରି ଜାଡେଜା ଲେଖିଛନ୍ତି, ‘ ଏକ୍ Horse ଦୋ Goat ଙ୍କ ମଧ୍ୟରେ । ଦୁଇ ଛେଳିଙ୍କ ମଧ୍ୟରେ ଗୋଟିଏ ଘୋଡା ବୋଲି ଏହାର ଅର୍ଥ ଆପଣମାନେ ଭାବୁଥିବେ। କିନ୍ତୁ ଏହାର ଅର୍ଥ ଅଲଗା ରହିଛି ।
ଜାଡେଜାଙ୍କ କହିବା ଅର୍ଥ ସେ ଘୋଡା ହୋଇଥିବା ବେଳେ ଗ୍ରେଟେଷ୍ଟ ଅଫ ଅଲ ଟାଇମ(GOAT) ଦୁଇ କଡରେ ଠିଆ ହୋଇଛନ୍ତି । ସମସ୍ତେ ଜାଣିଚନ୍ତି, ରାହୁଲ ଦ୍ରାବିଡ ଜଣେ ମହାନ ଏବଂ ସଫଳ ଖେଳାଳି । ସେହିପରି ଅଶ୍ୱିନ ମଧ୍ୟ ବିଶ୍ୱର ମହାନ୍ ସ୍ପିନର ମଧ୍ୟରେ ଅନ୍ୟତମ । ଏବେ ଅଶ୍ୱିନ ଟେଷ୍ଟ କ୍ରିକେଟରେ ନଂ ୧ ରାଙ୍କରେ ରହିଛନ୍ତି ।